Jesús naciringapaj ashtaca huatacuna faltajuj punllacunapillatami profeta Isaiasca nirca, Mesiasca ‘Galilea llactapi, mama cucha manñapi, Jordán yacu chimba ladopipashmi’ villachinga nishpa. Jesusca ali villaicunata tucuilla Galilea llactapi villachishpa, yachachishpami chai profeciataca pactachirca (Is. 9:1, 2).

• Jesusca Caná llactapimi paipa punda milagrota rurarca (Juan 2:1-11).

• Paita cumbashpa purijcunata o apostolcunataca Capernaum llacta ladollapimi agllarca (Mar. 3:13, 14).

• Paipa ashtahuan ali yachachishcacunataca Capernaum llacta ladolla urcupimi yachachirca (Mat. 5:1-7:27).

• Naín llactamanda viuda huarmigupa shuj churigutami causachirca (Luc. 7:11-17).

• Causarishca jipaca 500 yali paipa catijcunamanmi ricurirca (1 Cor. 15:6).