¿IMAMANDATA MINISHTIRISHCA CAN? Humilde gentecuna Jehová Diospa Reinomanda yachajuchunga Jehová Diosllatami ayudan (Hch 13:48, NM ; 1Co 3:7). Shinallatami ñucanchicunapash Jehovapa mandashcacunata gentecuna paicunapa causaipi pactachichun ayudana capanchi (1Co 9:26). Bibliamanda yachajujcunaca salvaringapaca bautizarina cashcatami ali intindina can (1Pe 3:21). Bibliamanda yachajujcuna Jesusta ali catijcuna tucuchunga paicunapa causaipi cambiachun, villachichun, shujcunaman Bibliamanda yachachichun, Jehová Diosman mingarichunbashmi ayudana capanchi (Mt 28:19, 20).

¿IMATATA RURASHUN?

• Jehová Diosta rijsichun, paipa munaita pactachishpa paita cushichichun Biblia ayudashcatami Bibliamanda yachajujcunamanga yarichina capanchi (Jn 17:3).

• Jehová Diosta ashtahuan sirvi ushachunga paicunapa nali ruraicunata, nali cumbacunata saquichunmi ayudana capanchi.

• Nara bautizarijpipash, ña bautizarishca jipapashmi Jehová Diosta ashtahuan sirvishpa catichun ayudana capanchi (Hch 14:22).

JEHOVÁ DIOSMI QUIQUINDA AYUDANGA NISHCA VIDEOTA RICUSHPA, CAI TAPUICUNATA CONTESTAPANGUI:

• Huaquingunaca ¿imata manllaimandata ni bautizaringapaj, ni Jehová Diosman mingaringapajpash na munanman?

• Bibliamanda yachajujcuna Jehová Diosta ashtahuan sirvichunga ¿imashinata ancianocunaca ayudaita ushan?

• Isaías 41:10​pica ¿imatata Jehová Diosmandaca yachajui ushapanchi?

• Juchayu cashpapash Jehová Diosta sirvishpa catichunga ¿imata ayudanga?