2018 huatamanda vichaica ñucanchi revistacunaca cada llujshishcami shujlla yuyaimanda parlan. Chai revistacunaca Yachachingapaj publicacionguna nishca partemandami can. Chaimandami villachinajushpaca revistacunataca saquinalla capanchi. Revistacunataca maiman rinajushpapash apashpa rinallami capanchi. Cai revistacunaca Bibliamanda yachachi callaringapaca na canllu. Shinapash Taita Diosmanda yachajuna munaita charichunmi ayudan.

Pihuanbash parlajushpaca Bibliamanda shuj textoguta liishpa, shuj revistapa yuyaimandapash parlanallami capanchi. Por ejemplo, huahuacunata charijta ricushpa, llaquilla o preocupado cajta ricushpaca, “cai yuyaimandami ashaguta liijuparcani, chaitaca quiquinmanbashmi ricuchingapaj munapaiman” nita ushapangui. Ashtahuan yachajungapaj munajpica shuj revistata saquipangui o shuj enlaceta cachapangui. Caitaca primera vez parlajushpallatami ruraita ushapangui. Revistacunata saquingapallaca na villachinchichu. Shinapash revistacunata saquijpimi ali shunguta charij gentecunaca Taita Diosmanda yachajungapaj munanga (Hch 13:48).