Precursor cashpa, 23 huatamanda 65 huatacaman charishpa, ali saludta charishpa, villachijcuna minishtijuj pushtucunapi ayudangapaj munashpaca, Diospa Reinomanda Villachijcunapa Escuelaman ringapaj shuj solicitudta jundachipangui. Cai escuela callarishcamandapachami ashtaca cazarashca huauquipanicuna, soltero huauquipanicunami cai escuelaman ringapaj shuj solicitudta jundachishca. Shinapash ashtahuan soltero huauquicunami minishtirin. Shinaca soltero cashpaca, Jehová Diostaca canda ashtahuan sirvingapaj, Jesuspa chaquita catingapaj ayudahuai nishpa mañapangui (Sl 40: 8; Mt 20:28; Heb 10:7). Chai jipaca cai escuelaman ringapaca menos tiempota trabajangapaj o quiquinba causaipi imatalla ruranata ricupangui.

Cai escuelamanda graduarishcacunaca ¿imatata rurai ushashca? Huaquingunataca shuj shimicunata parlaj pushtucunaman, cutin shujcunataca jatun llactacunapi predicación publicapi villachichunmi cachashca. Huaquingunataca superintendente de circuito sustituto, superintendente de circuito o misionero shina sirvichunmi agllashca. Jehová Diosta ashtahuan sirvingapaj pensarijushpaca profeta Isaiashna yuyapangui. Paica “ñucami caipi capani, ñucata cachahuailla” nishpami Jehová Diostaca mañarca (Is 6:8).

MISIONEROCUNAMI VILLACHISHPA CATINAJUN NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Misionerocunataca ¿imashinata agllan?

• Misionerocunaca ¿imatata ruran?

• Misionerocunaca ¿ima bendiciongunatata chasquin?