Bibliapica nircami, ali villaicunata ama villachichunmi Diabloca Jehová Diosta sirvijcunataca catiriashpa llaquichinga nishpa ( Juan 15:20; Apoc. 12:17). Shinaca catiriashpa llaquichi tucunajun huauquipanicunataca ¿imashinata ayudai ushapanchi? Paicunamanda Jehová Diosta mañashpami ayudai ushanchi. Bibliapica ninmi, alita ruraj runa mañajpica Taita Diosca uyanmi nishpa (Sant. 5:16).

Mañajushpaca ¿imatata ni ushanchi? Mañajushpaca huauquipanicuna shinlli tucuchun, ama manllachun ayudapangui nishpami Jehová Diostaca mañai ushanchi (Is. 41:10-13). Autoridadcunamandapashmi mañana canchi. Autoridadcuna villachichun saquijpimi ñucanchicunaca ‘casilla aliguta causashpa’ cati ushanchi (1 Tim. 2:1, 2).

Apóstol Pablota, Pedrota catiriashpa llaquichinajujpica, paicunapa shutita alzashpami shuj huauquipanicunaca Jehovata mañarca (Hech. 12:5; Rom. 15:30, 31). Cunanbi llaquichi tucunajuj huauquipanicunapa shuticunata na yachashpapash ¿imatata rurai ushanchi? Shuticunata na yachashpapash maijan congregacionmanda o maijan llactamanda cashcata yachashpami chai congregacionmanda, chai llactamanda huauquipanicunata ayudapangui nishpa mañaita ushanchi.