Quiquinga ¿ima llaquicunatata charipangui? Talvez familiata ñaupaman pushangapami esforzarijupangui. O quiquinlla huahuacunata viñachijuimandachari culqui faltalla causajupangui. O talvez escuelapi o colegiopi pipash quiquinmanda burlarijpi o nali tratajpichari llaquilla capangui. O talvez mayorlla caimanda, o imapash ungüita charimandachari llaquilla capangui. Tucuicunallatami llaquicunata charipanchi. Shinapash huaquin huauquipanicunacarin ñucanchitapash yali shinlli llaquicunatami charin. Shinapash chai tucui llaquicunata Jehová Dios tucuchinata yachashpami cushijunchi (2Co 4:16-18).

Chai punlla chayamungacaman Jehová Dios ñucanchi llaquicunata intindijta yachashpami cushilla sintirinchi. Llaquicunata charishpapash aguantashpa Jehovata sirvijpica paica cushillami sintirin. Shinallata Jehová Diosca jipa punllacunapica ashtaca bendiciongunatami carasha nishca (Jer 29:11, 12). Jesuspash ñucanchicunata juyaimandami Jehová Diosta tucuipi sirvingapaj esforzarijpica ‘tucui punllacunami cangunahuan casha’ nirca (Mt 28:20). Jehová Diospa Gobierno cai alpata mandajujpi llaquicuna illa libre quedanata pensarinami Jehová Diospi tucui shunguhuan crishpa, llaquicunatapash aguantashpa catichun ayudanga (Ro 8:19-21).

LLAQUICUNA RICURIJPICA JESUSTA RICUJUNSHNA CATIPASHUNCHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• ¿Imashinata gentecunaca Taita Diosmanda caruyarca? Taita Diosmanda caruyashcamandaca ¿imata pasashca?

• Jehová Diosta cazujcunaca ¿ima bendiciongunatata jipa punllacunapica japinga?

• ¿Imamandata jipa punllacunapica ali, cushilla causaiguta charipashun?

• Taita Diospa Gobierno cai alpata mandajujpica ¿ima pactarichunda ashtahuanbachaca munapanguiman?