Imashinami Jehová Diosca paipa munaita pactachingapaj israelitacunata organizarca, shinallatami cunanbipash paita sirvijcunataca organizashca. Jehová Diospa organizacionga mundo enteropi Taita Diosmanda ali villaigucunata villachingapami organizado can. Shinallata shuj shuj idiomacunata parlaj gentecunaman villachingapapashmi organizado can (Ap 14:6, 7).

¿Shuj gentecunaman Bibliamanda yachachingapaj shuj idiomata yachajunata pensaripashcanguichu? Talvez shuj idiomata yachajungapaj tiempoguta na charishpaca JW Language nishca aplicacionbi ricushpa shuj idiomapi villachingapaj imata ninata yachajupangui. Chai aplicacionbi yachajushcashna predicashpaca punda tiempomanda huauquipanicunashnami sintirishun. Paicunaca ‘Taita Diospa juyailla rurashcata’ shuj shuj shimicunata parlaj gentecunaman villachishpaca ninandami cushijurca (Hch 2:7-11).

JEHOVÁ DIOSPA AMIGO TUCUPAI: SHUJ SHIMIPI VILLACHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• JW Language nishca aplicaciondaca ¿imahorata utilizaita ushapanchi?

• Cai aplicacionga ¿imacunatallata charin?

• Ñucanchi causashca pushtupica ¿ima idiomacunatallata gentecunaca parlan?

• Shuj idiomata parlaj gente Taita Diosmanda yachajungapaj munajpica ¿imatata rurana capanchi? (od-S 100 párrs. 39-41).