¿Imamandata preparado cana capanchi? Shuj emergenciaca na yashcapimi ricurita ushan. Pero doctorcuna ñucanchita ali atindichun munashpaca cunanmandallatami Jehovapa organización cushca ayudacunata aprovechana capanchi. Shinami causaitapash y yahuartapash respetashcata ricuchipashun (Hch 15:28, 29).

¿Imashinata prepararina capanchi?

• Jehová Diosta mañashca jipaca tarjeta de instrucciones médicas o DPA nishcata aliguta pensarishpami jundachina capanchi. a Bautizarishca publicadorcunaca, siervo de publicaciones huauqui cai tarjetata cuchun mañanallami can. Shinallata menor de edad huahuacunata charishpaca, Tarjeta de identidad (ic) nishcatapash mañanallami can.

• Vijsayu panigucunaca, Información para mujeres embarazadas (S-401) nishca documentotami ancianocunata mañana can. Cai documentoca panigucuna vijsayu cashca horaspi o ña ungushca jipapash paicunapa saludhuan llaquicuna ricurijpica ashtacatami ayudanga.

• Hospitalpi quidanata yachashpa o operarina cashcamanda doctorcuna talvez yahuarta churanami canchi nijpica, ancianocunaman uchalla villapashunchi. Shinallata shuj testigo de Jehová ñucanchita visitachun munashcataca hospitalpipash villapashunchi.

Anciano huauquicunaca ¿imashinata ayudaita ushan? Tarjeta DPA nishcata imashina jundachinamanda imapash tapuicunata charijpica, ancianocunami ayudaita ushan. Pero ñucanchipa randi imapash decisiongunataca na japingachu. Shinallata cada uno imatapash decidina cashcata yarishpami, chaicunamanda paicuna imata yuyashcataca na parlanajunga (Ro 14:12; Gál 6:5). Yahuarta churarinamanda imapash problemacuna ricuri ushanata ancianocunaman villajpica, paicunaca Comité de Enlace con los Hospitales (CEH) huauquicunahuanmi ñucanchi shutipi uchalla parlapanga.

Comité de Enlace con los Hospitalespi sirvij huauquicunaca ¿imashinata ayudaita ushan? Cai comitepi sirvij huauquicunaca imamanda ñucanchi huauquipanicuna yahuarta na utilizajta doctorcunaman y juezcunamanbash intindichingapaca prepararishcallami can. Shinallata cai huauquicunaca yahuarta ama chasquingapaj shuj tratamientocunamanda doctorcunahuan parlashpa y ñucanchita ayudangapaj munaj doctorcunata mascashpami ayudaita ushan.

YAHUARTA UTILIZAJ TRATAMIENTOCUNATA CHASQUINATA O NA CHASQUINATA YACHANGAPACA ¿IMATATA RURANA CAPANCHI? NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Shuj emergencia tiajpi yahuarta ama chasquingapaj prepararishcalla cachunga ¿imata ayudanga?

  Your answer