Último punllacunapi causajushcamandami shuj shuj llaquicunata o problemacunata charinchi. Cai llaquicunahuanga ñana ushanshnami sintirinchi. Pero Jehová Diospa ayudata mascashpaca ima llaquicuna shamujpipash aguantashpami cati ushashun (Is 43:2, 4). Llaquicunahuan o problemacunahuan cashpapash Jehová Diosman ashtahuan quimirichunga ¿imata ayudanga?

Jehovata mañana. Ñucanchicuna imashna sintirishcata Jehovaman villajpica paica ñucanchicuna tranquilo sintirichun y llaquicunatapash aguantashpa catichunmi fuerzata caranga (Flp 4:6, 7; 1Te 5:17).

Reuniongunaman rina. Cunan punllacunapica Jehovamanda yachajushpa catinata, reuniongunapi huauquipanicunahuan animarishpa catinataca ninandami minishtipanchi (Heb 10:24, 25). Reuniongunaman ali prepararishca rishpa y chaipi comentangapaj esforzarishpaca Jehová Diospa ayudata ali aprovechajushcatami ricuchipanchi (Ap 2:29).

Predicana. Predicacionman llujshingapaj esforzarishpaca ñucanchillatami cushilla sintirishun. Predicacionbica huauquipanicunahuanmi ayudarinchi y Jehovapa ayudatapashmi charipanchi. Chaimi paicunamanga ashtahuan quimiripanchi (1Co 3:5-10).

JEHOVÁ DIOSCA SIEMPREMI CUIDANGA NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Jehová Diosmanda ama caruyachunga ¿imata Malu shuti panigutaca ayudarca?

  Your answer

• Malu paniguta ayudashcashnallata ¿imashinata Salmo 34:18​pi shimicunaca ñucanchitapash ayudan?

  Your answer

• Imapash llaquicunapi o problemacunapi cajpica ¿imashinata Jehová Diosca ‘gentecuna na charishca ushaita’ cushpa ayudan? (2Co 4:7).

  Your answer