29 de enero-4 de febrero
JOB 40-42
Cántico 124 mañaipash | Tandanajuita callaringapaj yuyaicuna (1 min.)
1. Job runagupa causaimandaca ¿imatata yachajupanchi?
(10 min.)
Ñucanchicunaca Jehová Dios rurai ushashca cosascunata na rurai ushashcatami yarina capanchi (Job 42:1-3; w10-S 15/10 3, 4 párrs. 5, 6).
Jehová Diosta y paipa organizacionbi cushca consejocunata aliguman chasquipashunchi (Job 42:5, 6; w17.06 18 párr. 12).
Llaquicunapi cashpapash Jehovata na saquishpa sirvijcunata bendicianataca seguromi capanchi (Job 42:10-12; Snt 5:11; w22.06 25 párrs. 17, 18).
Job runagu Jehovata na saquishpa sirvishcamandami paitaca bendiciarca
2. Bibliapa Valishca Yuyaicunata Mascashunchi
(10 min.)
-
Job 42:7. Job runagupa cumbacunaca ¿pimandata nali parlanajurca? Caita yachanaca ¿imashinata shujcuna burlarijpi aguantachun ayudanga? (it-1-S 377 párr. 5).
-
Cai semanapa Bibliata liina capitulocunapica ¿ima valishca yuyaicunatata taripashcangui?
3. Bibliata liipashunchi
(4 min.) Job 42:1-15 (th lección 11).
4. Parlai callaripashunchi
(3 min.) HUASIN HUASIN PREDICANA. Shuj religionda charij personaman villachipangui (lmd lección 5 punto 3).
5. Jesuspa catijcuna tucuchun ayudapashunchi
6. Discurso
(4 min.) lmd apéndice A punto 2. Tema: Cai alpaca nunca na tucuringachu (th lección 13).
Cántico 108
7. Jehová Dios ninanda juyan cashcata shujcunapash yachachun ayudapangui
(15 min.) Huaquin tapuicunatalla rurashpa yachachipangui.
Ninanda juyaj Jehová Diosta adoranaca shuj bendicionmi can (1Jn 4:8, 16). Jehová Dios juyailla cualidadcunata charishcamandami paipaman quimirina munaita charipanchi. Jehovata sirvijcunaca pai ninanda juyan cashcatami cuenta japipanchi.
Familiata, congregacionbi huauquipanicunata y shuj gentecunatapash juyaihuan tratashpami, Jehová Diospa ejemplota catinajushcata ricuchipanchi (Job 6:14, TNM-S; 1Jn 4:11). Shujcunata juyashcata ricuchishpaca Jehovata rijsichun y paiman ashtahuan quimirichunmi ayudapashun. Pero ñucanchicuna shujcunaman juyaita na ricuchijpica, shujcunaca Jehová Diospa juyaitaca na cuenta japita ushangachu.
Jehovapa organizacionllami juyarishpa causanata yachachin nishca VIDEOTA ricuchishca jipaca cashna tapupangui:
Lei Lei y Mimi panigucuna shucunata juyaita ricuchishcamandaca ¿imatata yachajupangui?
Huauquipanicuna, Jehová Dios paicunata ninanda juyajta cuenta japichunga ¿imashinata ayudaita ushapanchi?
-
Huauquipanicunataca ninanda valichishpami ricuna capanchi (Sl 100:3).
-
Juyaihuan, animashpami parlana capanchi (Ef 4:29).
-
Juyaihuan aliguman tratashpa (Mt 7:11, 12).
