Jesusca yachachircami: “Yangami cangunaman carani. Shinamandami pagahuaichi nishpaca, na purina canguichi” nishpa (Mat. 10:8, Mushuj Testamento Quichua Imbabura). Bibliamandapash, publicaciongunamandapash na cobrashpami Jesuspa shimicunata pactachinajunchi (2 Cor. 2:17). Na cobrajpipash, ñucanchi publicaciongunaca Diospa Shimipi valishca yuyaicunatami charin. Ashtahuangarin publicaciongunata imprimingapaj, mundo enteropi congregaciongunaman cachangapaca ashtaca esfuerzo, culquimi minishtirin. Chaimandami minishtina publicaciongunatalla congregacionbica japina canchi.

Predicación pública nishcapi cashpapashmi aliguta ricushpa publicaciongunataca gentecunaman cuna canchi (Mat. 7:6). Tucui yalijuj gentecunaman cunapa randica, publicaciongunata chasquingapaj munajujta o na munajujta ricungapami, pundapica gentecunahuan parlangapaj ashaguta esforzarina canchi. Chaipaca, cai ladopi tiajuj tapuicunapi pensaripai. Gentecuna na uyangapaj munajunshnalla cajpica, shuj tratadotarapash cupai. Shinapash pipash shuj revistata o maijanbash publicacionda carahuai nijpica cunallami capanchi (Prov. 3:27, 28).