Huata 32​pi Pascua punlla nara chayajpillatami Jesusca shuj milagrota rurarca. Chai milagrotaca Mateo, Marcos, Lucas, Juan librocunapimi parlan.

Jesusca chai milagrota rurashpami huaquingunatalla agllashpa ashtacacunaman Diospa shimimanda yachachina cashcata ricuchirca. Chaimi cunangaman chashnallata rurajun.

14:16-21

• Jesuspa discipulocunaca 5 tandata, ishcai pescadocunatallami charirca. Shinapash Jesusca ashtaca ashtaca gentecunaman micuchichunmi paicunataca mandarca.

• Jesusca tandata, pescadotapash japishpami Diosta mañarca. Chai jipaca chaupishpami paipa discipulocunaman curca. Chaimi paicunaca ashtaca gentecunaman caranajurca.

• Tucuilla gentecunami na munangacaman micurca. Jesusca ashtaca gentecunaman micuchingapami paipa discipulocunata agllarca.

• Jesusca nishcarcami, tucurimui punllacunapica huaquingunatalla agllashpami, ‘micuna horas chayajpi’ micuchishna ashtacacunaman Diosmanda yachachisha nishpa (Mt 24:45).

• Jesusca huata 1919​pimi ‘aliguta cazushpa aliguta yarishpa sirvij’ esclavota agllarca. ‘Aliguta cazushpa aliguta yarishpa sirvij’ esclavoca huaquin ungidocunallami can. Paicunami ‘sirvijcunaman’ micunaguta caranshna Diosmanda yachachinajun. ‘Sirvijcunaca’ micunaguta carajpishna Diosmanda yachajuj gentecunami can.

• ‘Aliguta cazushpa aliguta yarishpa sirvij’ esclavota utilizashpami, Jesusca punda siglopi yachachishcashna cunanbipash Diosmanda yachachijun.

Jesusca gentecunaman Diosmanda yachachingapami ‘aliguta cazushpa aliguta yarishpa sirvij’ esclavota churarca. Paicunata cazushcata, respetashcataca ¿imashinata ricuchi ushapani?