JESUSPA CHAQUITA CATISHPA CAUSASHUNCHI
Ashtahuan aliguta villachishunchi: Bibliapa yachachishcacunata na pactachijujpica, ama yachachishpa catipaichu
¿IMAMANDATA MINISHTIRISHCA CAN? Gentecuna quishpiringapaj munashpaca Jehová Diospa shutipimi mañana can (Ro 10:13, 14). Shinapash Bibliamanda yachajunajushpapash na tucuicunachu, Jehovapa mandashcacunata cazungapaj munashca. Chaimi tiempota ama perdijungapaca, Jehovapa ñaupajpi ciertopacha ali ricuringapaj munaj gentecunata ayudana capanchi. Pipash Bibliamanda unaillaguta yachajujushpapash, paipa causaipi yachajushcata na pactachijujpica, ñana yachachishpa catinachu capanchi. Jehovamanda ciertopacha yachajungapaj munajcunata, paipa organizacionman yaicungapaj munajcunatarapashmi ayudana capanchi (Jn 6:44). Shinapash Bibliata yachajunata saquishca gentecuna, jipaman ‘causaita causagrina’ munaita charishcata ricuchijpica, cutinmi Bibliamanda yachachinalla capanchi (Hch 13:48).
¿IMATATA RURASHUN?
-
Bibliata yachajujtaca, Bibliamanda yachajungapaj munashcamandami felicitana capangui (1Ti 2:4).
-
Yachajushcata imamanda causaipi pactachina minishtirishca cashcata intindichipangui (Lu 6:46-49).
-
Bibliata yachajujtaca, tarpuj runagumanda chimbapuraita aliguman intindichipangui. Shinallata ñaupaman catichun imacunalla jarcajujta cuenta japichun ayudapanchi (Mt 13:18-23).
-
Bibliata imamanda ñana yachachishpa catigrijushcata aliguman intindichipangui.
-
Huaquinbillapash cayamushami o visitamushami nipangui. Shinallata Bibliapa yachachishcacunata pactachijujpica, Bibliamanda cutin yachachishallami nipangui.
VIDEOTA RICUSHPA JIPACA, CAI TAPUICUNATA CONTESTAPANGUI:
-
¿Imata parlashpata Bibliata yachajujca, espiritualmente na ñaupaman catijushcata ricuchirca?
-
Huauquica, Bibliata yachajujta imapi cambiana cashcata intindichingapaca ¿imatata rurarca?
-
Huauquica ¿imashinata Bibliata yachajujtaca, jipacunaman Bibliata cutin yachajui ushashcata intindichirca?