Alpata huachushpa trabajajcunaca huachucuna recto llujshichunga na huashaman tigraricujunachu can. Shinallatami ñucanchicunapash ña huashaman saquishca cai mundopa cosascuna pandachichunga na saquina canchi (Flp 3:13).
Imapash llaquicunata charishpaca Jehová Diosta nara rijsishpa causashcatami alicachishpa yarijuita ushanchi. Cutin cutin chaita yarijushpaca punda causai ali ali cashcata shinami ricui ushanchi. Shinami punda nali cosascunataca cungaita ushanchiman. Egipto llactamanda llujshishca jipami israelitacunaca shina pensai callarirca (Nú 11:5, 6). Pundacunapi imashina causashcata cutin cutin yarijushpaca punda causaimanmi tigrangapaj munanchiman. Chaipa randica Jehová Dios cunan punllacunapi bendiciashcata yaipi charishpami, shamuj punllacunapi Diospa Reino mandajujpi ali causai tianata yaria causana canchi (2 Cor. 4:16-18).
