ALI YACHACHIJCUNA CASHUNCHI | CUSHILLA VILLACHISHUNCHI
Shunguman chayashunchi
Taita Diospa mandashcacunata shungupi charishpallami paitaca cazunchi (Pr 3:1). Chaimi Taita Diosmanda yachachijushpaca gentecunapa shunguman chayangapaj esforzarina canchi. Chaipaca ¿imatata rurana capanchi?
Ñucanchi estudiantecunaman Bibliamanda cabalta yachachishpapash, Bibliapa yachachishcacuna paicunapa causaipi ayudai ushashcata y Diospa amigo cai ushashcata cuenta japichunmi ayudana capanchi. Shinallata Taita Dios juyaj, llaquij y alita ruraj cashcata cuenta japichunmi ayudana capanchi. Yachachijushpaca Bibliapa yachachishcacunamanda imata pensajta tapupangui. Shinallata nali ruraicunata saquishpa ali causai ushashcapi pensarichun ayudapangui. Bibliata yachajuj persona Jehovata tucui shunguhuan juyashcata ricushpaca cushillami sintiripangui.
JESUSTA CATIJCUNA TUCUCHUN AYUDASHPACA CUSHIJUNCHIMI. ASHTAHUAN ALI YACHACHIJCUNA CASHUNCHI: SHUNGUMAN CHAYASHUNCHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
-
¿Imamandata Lauraca Carolinataca martesta yachajushcataca yaringuichu nishpa tapurca?
-
Jehová Diospa yachachishcacuna Carolinapa alipallata cashcata cuenta japichunga ¿imashinata Lauraca ayudarca?
-
Ñucanchi estudiantecunapa shunguman chayashpaca paicunapashmi Jehová Diosta sirvina munaita charinga.
Carolina Jehová Diosta juyashcata ricuchichunga ¿imatata Lauraca nirca?
