Septiembre quillapica tucui gentecunaman villachingapami munapanchi. Paicunataca Cushilla causapashunchi nishca folletohuan Bibliamanda yachachi callaringapami esforzarishun. Chai quillapica 30 horastalla villachishpami precursor auxiliar shina sirvita ushapangui. Pero ¿imashinata chai campañaca canga?

• Parlai callarijushpa. Folletopa último paginapi parlai callaringapaj nishca parteta utilizapangui. Shinallata ñucanchicuna imashina Bibliamanda yachachinajushcatapash ricuchipangui. Bibliamanda yachajungapaj munashca gentecunata cutin visitapangui. Talvez huaquinguna punda na estudiangapaj munashca cashpapash cunanbi cai folletohuan facillla yachajuna cashcata ricushpaca talvez estudiangapaj munangami. Huasi dueño illajpica cai folletotaca na saquinachu capanchi. Shinallata cartacunata rurajushpaca Bibliamanda na yachajungapaj munaj personacunamanga cai folletotaca na cachanachu capanchi. Congregacionbi Comité de Serviciopi sirvij huauquicunaca septiembre quillapi huauquipanicuna ashtahuan villachi ushachunmi aliguta organizanga.

• Shuj shuj ladocunapi villachina. Quiquinba congregacionbi predicación pública tiajpica Cushilla causapashunchi folletotami utilizana can. Si pipash chai folletomanda ashtahuan yachajungapaj munajpica Bibliamanda gratis yachachi ushashcata explicapangui. Shinallata ñucanchicuna Bibliamanda imashina yachachin cashcatapash ricuchita ushapangui. O chai persona na tiempoguta charijpica shuj punllami ricuchita ushapangui. Superintendente de serviciopi sirvij huauquica huaquin experienciata charij huauquipanicunatami negociocunapi Bibliamanda yachachi callarichun cachaita ushan. Quiquin informalmente predicajushpaca quiquinba trabajomanda compañerocunaman o shuj personacunaman Bibliamanda yachachi callaringapaj esforzaripangui.

Jesusca ñucapa discipulocuna tucuchun yachachigripaichi nishpami mandarca (Mt 28:19, 20). Shinaca cai campaña especialpica Cushilla causapashunchi folletohuan Bibliamanda yachachi callaringapami munapanchi.