Tucuilla Testigo taitamamacunami, huahuacuna Jehovata tucui shunguhuan sirvichun munan. Bibliapa yachachishcacuna huahuacunapa shunguman chayachunmi, taitamamacunaca uchillamandapacha yachachina can. Chaimi huahuacunaca Jehovata sirvinga (Dt 6:7; Pr 22:6). Chaita ruranaca na facilchu can. Shinapash Jehovamanda huahuacunaman yachachinaca na yanga cangachu (3Jn 4).

Taitamamacuna Josepa, Mariapa ejemplota catipaichi. Paicunaca “Pascua fiesta chayajpica, cada huatami Jerusalenman rinata yacharca”. Chaiman rina na jahualla cajpi, culquita gashtana cajpipashmi rin carca (Lu 2:41). Josepa, Mariapaca familiata espiritualmente ayudanami minishtirishcapacha carca. Cunanbi taitamamacunapash huahuacuna Jehovata sirvichunmi ayudaita ushan. Chaipaca taitamamacunaca paicunapa parlocunahuan, ruraicunahuanmi Jehovamanda yachachingapaj tucui oportunidadcunata ali aprovechana can (Sl 127:3-5).

JEHOVÁ DIOSTA ASHTAHUAN SIRVINA OPORTUNIDAD TIAJPICA NA SAQUIRCACHU NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Chai cusahuarmicunaca, huahuacunata viñachijushpaca ¿imashinata Jehovata sirvinata pundapi churarca?

• ¿Imamandata taitamamacunaca cada huahuapa minishtishcata ricushpa yachachina can?

• Huahuacuna jarcaicunata chimbapurashpa Jehovata sirvishpa catichunga ¿imashinata taitamamacunaca ayudana can?

• Huahuacuna Jehovapa ali amigo cachunga ¿Jehovapa organización cushca ima ayudacunatata utilizajupangui?