Enero de 2018 huatamandami Tandanajuipi Yachajungapaj Hojapa callari paginapica “Villachingapaj yuyaicuna” nishca parte llujshishpa catimushca. Chaitaca ¿imashinata utilizaita ushapanchi?

Asignacionda charij publicadorcuna. Villachingapaj yuyaicuna nishca partepi llujshishca tapuita, textota, cai tapuita saquipangui nishcatapash utilizana capanchi. Shinapash Villachingapaj yuyaicunamanda videocunapa yuyaicunata palabra por palabra catinaca na minishtirinllu. Por ejemplo, imashina parlai callarinata, shuj yuyaicunamandapash parlanata, imashina villachinatapash agllanallami capanchi. Instruccionguna na tiajpipash Yachachingapaj publicacionguna nishca partemanda shuj publicacionda agllashpa saquinallami capanchi.

Villachinajushpa. Villachingapaj yuyaicuna nishca partepica villachingapaj ali yuyaicunatami charin. Villachinajushpa pipash ashtahuan yachajungapaj munajpica paihuan parlashpa catinallami capanchi. Chaipaca revistapa yuyaicunamanda, Villachingapaj yuyaicuna nishcapa yuyaicunamanda o shuj temamandami villachita ushapanchi. ¿Ñucanchi villachinajushca pushtupi chaishuj quillacuna llujshishca temamanda o Bibliapa shuj textomanda parlanaca alicha capanman? Ñucanchi villachinajushca pushtupica ¿imapash pasashcachu? ¿Chaicunamandachu gentecunaca ashtahuan talvez parlangapaj munan? Ñucanchica Villachingapaj yuyaicuna nishca partemanda shuj yuyaita catingapaj munashpaca catinallami capanchi. Shinapash villachijushpaca imamanda villachijushcataca na cunganachu capanchi. Ñucanchica “ali villaita villajushpaca, chai villajuj shimi aliguta carasha nishcata japingapajmi” chashna villachinajupanchi (1Co 9:22, 23).