¿Picunata Jehová Diospa munaita ruranajun? folletohuanga, cada yachachingapaj rishcatami, callaripi o tucuripi yachachina canchi. * 1−4 lecciongunaca testigo de Jehovacuna picuna cashcata yachachunmi ayudan. 5−14 lecciongunaca Testigocuna imata rurajta yachachunmi ayudan. 15−28 lecciongunaca Jehovapa organización imashina trabajajta rijsichunmi ayudan. Shuj leccionda yachachishca jipaca, cutinbaca cati leccionda yachachinami ali can. Shinapash Bibliamanda yachajuj pai munashca leccionda yachajungapaj munajpica, chai leccionmanda yachachinallami can. Cada leccionmi shuj paginapilla can. Chaimandami 5 ó 10 minutocunapilla yachachita ushapanchi.

• Cada leccionbi tiashca tituloca shuj tapuimi can. Chai tapuipi yuyaitami ashtahuanga intindichina capangui.

• Lecciongunataca callarimanda tucuricaman, o subtitulocuna tiajuj parrafocamanmi paihuan liina capangui.

• Liishca partemanda parlapangui. Cada lección tucuripi tiajuj tapuicunamanda, fotocunamanda parlapangui. Maijan textocunata liishpa intindichinata ricupangui. Yanalla letrapi tiajuj subtitulocunaca titulopi tapuita intindichijta ricuchipangui.

• “Caita rurapangui” nishca recuadro tiajpica, yachajujhuan liishpa, chaipi imata nijujta pactachichun animapangui.