25:1-12

Jesusca 10 cuitsacunamandami parlarca. Chai chimbapurai ungidocunamanda parlashpapash, tucuilla Jehovata sirvijcunami beneficiarinchi (w15 1/3 págs. 13-17). “Runa Aichayu tucushca ñuca ima punlla, ima hora shamunatapash na yachanguichi. Chaimandami, na puñushpa chapariana canguichi” (Mt 25:13). Jesuspa chimbapuraita intindichipai.

• Novioca (v. 1): Jesustami ricuchijun.

• Aligutapacha yarishpa purij picha cuitsacunaca ((v. 2): Jehovapa mingashcata ali pactachij ungidocunatami ricuchijun. Paicunami punchayachij luzeroshna tucuri punllacaman causanajunga (Flp 2:15).

• ‘Novio shamujun’ nishpaca (v. 6): Jesús ña mandai callarishcatami ricuchijun.

• Juizu illaj picha cuitsacunaca (v. 8): Noviota tuparingapaj llujshij ungidocunami can. Paicunaca na rijcharia caimandami Jehovata na cazushcata ricuchin.

• Aliguta yarishpa purij cuitsacunaca juizu illaj cuitsacunataca na ayudangapaj munarcachu (v. 9): Jehovata cazuj ungidocuna sellai tucushpaca, paicunaca Jehovata na cazuj ungidocunataca na ayudaita ushangachu.

• ‘Novio chayamurca’ (v. 10): Jesusca Jatun Manllanai Llaqui Punllacuna tucurijuj tiempopimi nali gentecunata juzgashpa tucuchinga.

• Alichirishcalla shuyanajuj cuitsacunaca, noviohuan boda huasiman yaicujpimi punguca vicharirca (v. 10): Cazuj ungidocunataca jahua cielopimi Jesusca tandachinga. Cutin Jehovata na cazuj ungidocunaca jahua cieloman rina esperanzataca ñaña charingachu.