¿IMAMANDATA MINISHTIRISHCA CAN? Bibliamanda yachajujcuna prepararishpaca jahualla intindishpami imata yachajushcatapash yaria canga. Shina rurashpaca espiritualmentemi uchalla ñaupaman catinga. Bautizarishca jipapashmi tandanajuicunapa, villachingapapash prepararishpa catina can. Shinami chaparia causajushcata ricuchinga (Mt 25:13). Ali prepararina costumbreta charishpaca Bibliamanda yachajujcunaca paicunallatami beneficiaringa. Chaimi Bibliamanda yachajujcunataca callarimandapacha ali prepararina costumbreta charichun ayudana capanchi.

¿IMASHINATA CHAITACA PACTACHI USHAPANCHI?

• Shuj ali ejemplotami cuna capangui (Ro 2:21). Bibliata yachajujcuna imapi ayudachun minishtijujta ricushpami prepararina capangui (km 11/15 pág. 3). Quiquinba prepararishca librota o folletota ricuchipangui.

• Prepararichun animapangui. Ña unaillaguta Bibliamanda yachachijushpaca prepararina minishtirishca cashcata, paipallata ali cashcata ricuchipangui. Prepararingapaj tiempota llujchingapaj imata rurana cashcatapash nipangui. Bibliamanda yachajujcuna prepararina imamanda ali cashcata cuenta japichunmi, huaquin huauquipanicunaca paicunapa prepararishca librota o folletota mañachin. Bibliamanda yachajujcuna prepararijpica felicitapangui.

• Prepararichun ayudapangui. Huaquin publicadorcunaca callarimandapachami Bibliamanda yachajujcunata imashina prepararinata yachachin.