Bibliamanda yachachi callaringapaca chuscu videocunatami charipanchi. Chai videocunataca ¿imapata rurapashcanchi? ¿Imashinata predicacionbi utilizaita ushapanchi?

• ¿Imamandata Bibliata yachajuna capanchi? (Punda video). Cai videoca gentecuna maijan religionmanda cashpapash Bibliamanda yachajungapaj munachunmi ayudan. Shinallata importante tapuicunapa respuestacunata Bibliapi mascachunmi animan. Y chai respuestacuna cabal cashcatami aliguta intindichin. Videopa último partepica Bibliamanda yachachichun imashina mañanatapashmi ricuchin.

• ¿Imamandata Bibliata yachajuna capanchi? (Uchilla video). Jahuapi parlashca videopa yuyaicunatallata charishpapash ashtahuan uchillami can. Chaimandami ocupado ocupado gentecunaman ricuchingapaca ashtahuan ali can.

• Bibliamandaca ¿imashinata yachachinchi? Cai videoca gentecuna gratis Bibliamanda yachajuna munaita charichunmi rurashca can. Shinallata Bibliamanda yachachichun imashina mañanata y ñucanchicuna Bibliamanda imashna yachachishcatapashmi ricuchin.

• Cushilla causapashunchi nishca librohuan Bibliata yachajupai. Cai videoca Bibliamanda yachajunajuj gentecunaman ricuchingapami can. Cushilla causapashunchi libropa, página 2​pimi cai videomandaca primera vez parlan. Shinapash Cushilla causapashunchi folletohuan yachachijushpapashmi cai videotaca ricuchita ushapanchi. Cai videoca libropi imatalla yachachijta y Bibliamanda imashina yachajunatapashmi ricuchin.

Jahua parrafocunapi ricuchishcashnami cai videocunataca utilizana capanchi. Shinapash ali cajpica gentecunaman ricuchita o cachaita ushapanchillami. Cai videocunata ali rijsingapaj y predicacionbi aliguta utilizangapaj esforzaripashunchi.