Jatun llaquicunaca ashtahuan ashtahuan mirashpami catin. Labores de socorropi sirvij huauquicunaca chashna llaquicuna tiajpi uchalla ayudai ushangapaca ali organizarishcami cana can. Chaimi Cuerpo Gobernanteca cada llactapa sucursalcunapi Departamento de Labores de Socorro tiachun nishpa mandashca.

Labores de socorropi sirvij huauquicunaca huauquipanicuna llaqui apashcata yachaj chayashpaca uchallami llaqui apashca pushtupi causaj ancianocunata cayashpa huauquipanicuna imata minishtinajujta tapun. Llaqui apashca pushtucunapi huauquipanicunallata na arreglaita ushajpica sucursalmanda huauquicunaca labores de socorropi sirvij huauquicunatami ayudachun encargan. Paicunaca voluntario huauquipanicuna ayudachun o imapash minishtirishca cosasgucunahuan ayudachunmi talvez mañanga. O na cashpaca ima minishtirishcata huauquipanicunaman cungapaj randishpami ayudan.

Llaqui apashca huauquipanicunata ayudangapaca organizarishca canami ashtahuan ali can. Personalmente ayudanapa randica labores de socorropi sirvij huauquicunapa nishcata cazunami ali can. Na cashpaca ñucanchillatami tiempota pirdishun. Shinallata culquipash o shuj cosascunapash desperdiciarishpami quidaita ushan.

Labores de socorropi sirvij huauquicunami mashna culquiguta y mashna voluntario huauquipanicunata minishtinata ricuita ushan. Shinallata cai huauquicunaca llaqui apashca pushtumanda autoridadcunahuanmi parlaita ushan. Shinami autoridadcuna imata nishcata catishpa facillla ayudaita ushan. Shinaca na ayudachun mañajpita ñucanchi munaillata culquita mañashpaca na organizarijunachu capanchi. Talvez shuj cosascunata llaqui apashca pushtuman cachangapaj munashpapash o ayudagringapaj munashpapash chaitaca na ruranachu capanchi.

Ñucanchi huauquipanicunata juyaimandami paicuna llaqui apanajujpica ayudangapaj munapanchi (Heb 13:16). Pero ¿imashinata ayudaita ushapanchi? Llaqui apashca huauquipanicunamanda, labores de socorropi sirvij huauquipanicunamandapashmi Jehovata mañaita ushapanchi. Chaita ruranami ashtahuan ali can. Shinallata cai huauquipanicunata ayudangapaca contribución culquiguhuanmi ayudaita ushapanchi. Cuerpo Gobernantehuan trabajaj sucursalcunami contribución culquiguhuan huauquipanicunata imashna ayudanataca ali yachan. Ñucanchi personalmente huauquipanicunata ayudangapaj munashpaca Solicitud de voluntario local de diseño y construcción (DC-50) nishcatami jundachi ushapanchi.

BRASIL LLACTAPI NINANDA TAMIASHPA YACU JATARISHCA NISHCA VIDEOTA RICUSHCA JIPACA, CAI TAPUITA CONTESTAPANGUI:

Brasil llactapi yacu jundashcamanda testigo de Jehovacuna imashina ayudashcata ricushpaca ¿imatata ashtahuan gushtaparcangui?