JW Library nishca aplicacionga telefonopi, tabletpi, computadoracunapi churanalla programami can. Chai programaca gratismi can. JW Library nishcapica Bibliata, publicaciongunata, videocunata, grabaciongunatapash descarganallami can.

¿IMASHINATA DESCARGASHUN? JW Library nishcata charingapaca Internetman conectarishpami tienda de aplicaciones nishcaman yaicushpa, JW Library nishcata descargashpa instalana cangui. JW Library nishcaca shuj shuj aparatocunapipashmi funcionan. JW Library nishcata ña charishpaca, Internetman conectarishpami JW Library nishcaman yaicushpa imata descargangapaj munashcata agllana can. Internetta na charishpaca Tandanajui Huasiman, shuj rijsipa huasiman, bibliotecaman o Internet tiashca pushtuman rishpami descarganalla cangui. Descargashca publicaciongunata ricungapaca Internetca ñana minishtirinllu. Shinapash, siempremi mushuj actualizacionguna llujshin. Chaimandami huaquinbi huaquinbica chai mushuj actualizaciongunata descargana cangui.

¿IMAMANDATA DESCARGANA CANGUI? JW Library nishcaca ñucanchi estudio personalpa, tandanajuicunapa, villachingapapash alipachami can. Ashtahuangarin, na yashcapi gentecunaman villachingapami alipacha can.