Disciplina nishpaca yachachinata, consejanata, tacurinata huaquinbicarin astinatapashmi shina nin. Jehová Diosca pai munashcashna paita sirvichunmi yachachin o disciplinan (Ro 12:1; Heb 12:10, 11, TNM). Pipash consejajpica llaquiyanchimi. Pero chai consejota aliguman chasquishpaca Jehovapa ñaupajpi ali ricurishpami bendiciai tucushun (Pr 10:7). Shinapash consejota cujpash, consejota chasquijpash ¿imatata yaria cana can?

¿Imashinata consejana can? Ancianocuna, taitamamacuna o shuj huauquipanicunapashmi Jehovashna juyaihuan consejangapaj esforzarin (Jer 46:28). Huaquinbica shinllitami consejana can. Shinapash imamanda chaita rurashcata aliguta ricushparami juyaihuan consejana can (Tit 1:13).

Consejotaca ¿imashinata chasquina can? Imagutapash yachachijpi o shinlli consejajpica uchalla pactachingapami esforzarina canchi (Pr 3:11, 12, TNM). Juchayu caimandami pipash consejachun, yachachichun minishtinchi. Jehová Diosca Bibliahuan o tandanajuicunahuanmi ñucanchitaca consejan o disciplinan. Shinapash shuj jatun juchata rurashcajpica ancianocunata utilizashpami Jehová Diosca comité judicialta rurachishpa disciplinan. Consejota o disciplinata aliguman chasquishpa y pactachishpaca para siempremi causashun (Pr 10:17).

JEHOVÁ DIOSCA JUYAIMANDAMI DISCIPLINAN NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Canon huauquica ¿ima laya familiapita viñarca? Jipamanga ¿imata pasarca?

• Jehová Diosca Canon huauquitaca ¿imashinata disciplinarca?

• Canon huauquipa causaimandaca ¿imatata yachajui ushapanchi?