Jesusca, Taita Diosmanda gentecunaman aliguta yachachingapami chai punllacunapi ima pasajujta ricushpa villachin carca (Lu 13:1-5). Shinallatami ñucanchipash Taita Diospa Gobiernomanda villachingapaca, ñucanchi territoriopi ima pasajujta ricushpami villachita ushapanchi. Shinami gentecunapash uyana munaita charinga. Talvez cunanbica tucuimi valishca can. O ashtaca llaquicunami cunanbica ricurimushca o na cashpaca, cunanbica jovengunaca drogarishpami causan nishpami talvez nita ushapanchi. Chai jipaca, caicunamandaca ¿imatata yuyapangui? ¿Imahorapash cai llaquicunaca tucuringacha? nishpa tapupangui. Chai jipaca Bibliapa shuj textota liipangui. Si chai persona interesta ricuchijpica shuj videota o Yachachingapaj publicacionguna nishcamanda shuj publicacionda saquipangui. Shinaca predicanajushpaca, ali villaigucunata tucui gentecunaman compartingapaj y paicunapa shunguman chayangapaj esforzaripashunchi (1Co 9:22, 23).

Quiquinba territoriopica ¿ima temacunamandallata gentecunaca yachangapaj munan?