Bibliapa grabashcacunaca ¿imata can? Traducción del Nuevo Mundo revisashca Bibliaca audiopipashmi grabashca tian. Cai grabashcacunaca ashtaca idiomacunapimi asha asha llujshijun. Cai Bibliapa grabaciongunapica cada personaje imata nishcatami shuj shuj personacuna liishpa graban. Chaimandami cai grabaciongunaca ninanda ayudan. Shinallata Bibliata liishpa grabajcunaca Bibliapi parlashca gentecuna imata sintishcata ricuchishpami graban. Shinami Bibliapi nishcacunataca cabalta intindichin.

Bibliapa grabashca audiocunata uyanaca ¿imashinata ayudan?Ashtacacunaca chai grabashcacunata uyashpaca paicunapacha chaipi cashcashnami sintirin. Cada personaje imata nishcata uyashpaca Bibliata ashtahuan aligutami intindi ushashca (Pr 4:5). Cutin shujcunaca Bibliapa grabashcacunata uyashpaca preocupado cajpica tranquilo sintirichunmi ayudahuashca nishcami (Sl 94:19).

Bibliapa grabashcacunata uyanaca quiquinba causaipica ninandami ayudaita ushan (2Cr 34:19-21). Quiquin intindishca idiomapica Biblia entero o Bibliapa huaquin partecunalla cashpapash ¿grabaciongunaca tiapanllu? Shinaca chai grabacionguna tiajpica aliguta aprovechangapaj esforzaripangui.

BIBLIATA GRABANGAPACA ¿IMACUNATALLATA RURARCA? (UCHILLA VIDEO) NISHCATA RICUSHCA JIPACA, CAI TAPUITA CONTESTAPANGUI:

Bibliata grabangapaj imacunatalla rurashcamandaca ¿imatata ashtahuan gushtapangui?