Aliguta cazushpa, aliguta yarishpa sirvij esclavoca, minishtijuj horaspipachami micunaguta caranshna Bibliamandaca yachachin. Chai huauquicunataca Jehová Diosmi ñaupaman pushajun. Chaimi Jehová Dios ñucanchicuna imata minishtishcata ali yachashcataca yachapanchi (Mt 24:45). Chaitaca chaupi semana tandanajuicunapi, Jatun Tandanajuicunapipashmi ricuita ushapanchi.

COMITÉ DE ENSEÑANZAMANDA VILLAICUNA (2017) NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Alipacha rurashca Jatun Tandanajuicunamandaca ¿pitata alicachina capanchi? ¿Imamandata alicachina capanchi?

• Shuj Jatun Tandanajuipa programataca ¿imahorata rurangapaj callarin?

• Jatun Tandanajuipi yachajuna temacunataca ¿imashinata agllan?

• Shuj Jatun Tandanajuita rurangapaca ¿imacunatallata ruran?

• Galaad Escuelapi yachachishcashnaca ¿imashinata chaupi semana tandanajuipica yachajupanchi?

• Tandanajuipi Yachajungapaj Hojapa programata rurangapaca ¿imashinata Betelpi sirvij huauquipanicunaca ayudan?

Jehová Diosca ashtaca micunaguta caranshnami Bibliamandaca ashtacata yachachijun. Chaimandaca ¿imashinata sintiripangui?