¿IMAMANDATA MINISHTIRISHCA CAN? Telefonohuan villachinaca Taita Diosmanda ‘ali villaicunata tucuicunaman villachichunmi’ ayudan (Hch 20:24, NM ). * Shinallata huaquinbica ungushca caimanda o imacunamandapash huasin huasin villachita na ushajpimi telefonohuan villachinaca ayudan.

¿IMATATA RURASHUN?

• Ali prepararishpa. Gentecuna uyangapaj munashca yuyaita agllashpa anotapangui. Ña villachigrijushpaca anotashca hojata, shinallata JW Library^® aplicacionda o jw.org^® paginata charij tabletta o celularta utilizangapaj listo charinaca alimi canman.

• Tranquilo parlapangui. Telefonohuan villachijushpapash ñavi ñavi parlajushcashnallatami cushilla, tranquilo parlana capangui. Pihuanbash parlajushpa imagutapash tapujpica, cumbagu ayudachunmi tapuitaca shinllillaguta cutin repetina capangui. Chaimandami telefonopi villachina cashpapash shuj huauquita o shuj panita villachingapaj cumbahuai nishpa mañanalla capangui.

• Cutin cayai ushangapaca shuj tapuiguta saquipangui. Ashtahuan yachangapaj munajpica cutin cayashpa contestangapaj shuj tapuiguta saquipangui. Shuj publicacionda quiquinba correoman cachaita ushapanichu nishpa o huasiman saquingapaj rita ushapanichu nishpa tapupangui. Shuj videota o maijan publicaciondapash paicunapa correoman o celularman cachanallami capangui. Usharijpicarin jw.org paginaman yaicuchun animapangui.