JESUSPA CHAQUITA CATISHPA CAUSASHUNCHI
‘Juyarishpa causajpimi Jesuspa catijcuna cajta rijsinga’: Ama ñucanchipilla pensarishpa, ama jaicata culirapashunchi
¿IMAMANDATA MINISHTIRISHCA CAN? Juyarishpa causanajujta ricushpami Jesuspa catijcuna cashcata gentecunaca cuenta japinga (Jn 13:34, 35). ¿Imashinata Jesushna tucuicunata juyaita ushapanchi? Gentecunamanda preocuparishpa, paicunahuan na ñapash culirashpami Jesushna tucuicunata juyashun (1Co 13:5).
¿IMATATA RURASHUN?
-
Ñucanchita pipash imatapash nishpa nali sintichijpica, paicuna imamanda shina nishcata, ñucanchicuna ñapash culirajpi ima pasanatapashmi pensarina capanchi (Pr 19:11).
-
Tucuicunallata juchayucuna caimanda huaquinbica jaicata imatapash nishpa o rurashpa pitapash nali sintichijlla cashcatami yarina capanchi.
-
Uchallami perdonahuai nishpa parlana capanchi.
CAISHUJ CHAISHUJ JUYARISHUNCHI: JUYAJCA NA PAIPALLA ALITA MASCANLLU, NA ÑAPASH FIÑARINLLU NISHCA VIDEOTA RICUSHPA, CAI TAPUICUNATA CONTESTAPANGUI:
-
Tomás nishcata uyashpaca ¿imatata Danielca rurarca?
-
Ama jaicata culirachunga ¿imata Tomastaca ayudarca?
-
Tomás aliguta pensarishpa parlanaca ¿imashinata ayudarca?
Na ñapash culiranaca ¿imashinata huauquipanicunahuan ali cachun ayudan?
