Shuj ali amigoca ¿imashinata can? Shuj ali amigoca llaquicunapi cajpipash siempremi llaquishpa juyaihuan ayudan, ali tratan, shinallata na mitsashpami imagutapash caran. Jehová Diosmi shina ali amigo can (Éx 34:6; Hch 14:17). Jehová Diosca paita mañajpica siempremi uyan, ayudaitapashmi ayudan (Sl 18:19, 35). Shinallata ñucanchi pandarijpipash siempremi perdonan (1Jn 1:9). Jehová Diosca shuj alipacha amigomi can.

Jehová Diospa ali amigo cangapaca ¿imatata rurana capanchi? Chaipaca Bibliatami liina capanchi, paipipashmi confiana capanchi (Sl 62:8; 142:2). Jesuspash, paipa Gobiernopash, paraisopash ñucanchipa importante cashcatami ricuchina capanchi. Shujcunamanbashmi Jehová Diosmandaca villachina capanchi (Dt 32:3). Jehová Diospa alipacha amigo tucushpaca paica nunca na saquingachu (Sl 73:25, 26, 28).

JOVENGUNA: ‘JEHOVÁ DIOS ALI CAJTACA, RICUSHPA YACHAICHIYARI’ NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Jehová Diosta candallami sirvisha nishpa bautizaringapaca ¿imatata rurana capangui?

• Huauquipanicunaca ¿imashinata Jehová Diosta ashtahuan ali sirvichun quiquindaca ayudaita ushan?

• Villachinaman llujshinaca ¿imashinata quiquindaca Jehová Diospa ashtahuan ali amigo cachun ayudan?

• Jehová Diosta ashtahuan sirvingapaca ¿imatata ashtahuan ruraita ushapangui?

• Ashtahuanbachaca ¿imamandata Jehová Diostaca juyapangui?