Testigo de Jehovacunaca Taita Diospa ali amigo cana bendiciondami charipanchi. Jehovapaman quimirichunga Jehovallatami ñucanchitaca ayudan. Jesús huañushcamandami Jehovapaman quimirita ushapanchi. Shinallata Jehová Diosca ñucanchi mañashcacunatapash uyan (Sl 34:15; Jn 6:44).

Shinaca Jehová Dioshuan ali amigo cashpa catingapaca ¿imatashi rurana capanchi? Por ejemplo, israelitacunashnaca na pandarinachu capanchi. Israelitacunaca Jehová Diosta candallami sirvishun nishca jipallami, paicunaca orohuan rurashca shicuta adoranajurca (Éx 32:7, 8; 1Co 10:7, 11, 14). Pensaripashunchi, imapash tentacionguna ricurijpica ¿imatata rurani? Jehová Dioshuan ali amigo canataca ¿imashinata ñuca ruraicunahuan valichishcata ricuchini? Jehovata juyaimandami ñucanchicunaca nali ruraicunamanda caruyangapaj munapanchi (Sl 97:10).

“JEHOVÁ DIOSHUAN ALI AMIGO CASHPA CATINGAPAJ ESFORZARIPASHUNCHI” (COL 3:5) NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Imatapash codiciashpa munanaca ¿imata can?

• ¿Imamandata na codiciana, na yanga dioscunata alabana capanchi?

• Huainayana juchata rurana, yanga dioscunata alabanahuanga ¿imapita igual can?

• Congregacionda ñaupaman pushaj huauquicunaca ¿imamandata paicunapa huarmigucunataca aliguta cuidashpa catina can?