JESUSPA CHAQUITA CATISHPA CAUSASHUNCHI
Bibliamanda yachachijushpaca ¿imatata na rurana canchi?
Na yapata parlanachu can. Yachachijushpaca na quiquinllachu parlana capangui. Jesusca gentecunallata aliguta pensarishpa intindichunmi tapuicunata ruran carca (Mat. 17:24-27). Tapuicunata rurajpimi yachajujcunaca na aburririn. Ashtahuangarin tapuicunata rurashpami yachajujcuna imata crijta, imata yuyaita, imata intindijujta o na intindijujtapash ricui ushapangui (be-S pág. 253 párrs. 3, 4). Shuj tapuita rurashpaca contestachun shuyanami capangui. Respuestata na yachajpica ama quiquinllata nipanguichu. Chaipa randica paillata aliguta pensarishpa intindichun, respuestata tarichunmi shuj tapuicunatapash rurana capangui (be-S pág. 238 párrs. 1, 2). Yachajuj aliguta intindichunga na ñapash parlanachu capangui (be-S pág. 230 párr. 4).
Na yapata explicanachu can. Shuj temamanda ashtacata parlangapaj munashpapash minishtirishcatallami nina can (Juan 16:12). Parrafopi respuestapa yuyaimandallami ashtahuanga intindichina can (be-S pág. 226 párrs. 4, 5). Shuj yuyaicunamanda explicana alishnalla cajpipash ashtacata explicashpaca parrafopa minishtirishca yuyaitami chingachishun (be-S pág. 235 párr. 3). Ña intindishca cajpica chaishuj parrafoman yalinallami can.
Informacionda liishpallaca na yachachinachu can. Informacionda liishpalla yachachinapa randica gentecunapa shungumanmi chayana can (Luc. 24:32). Taita Diospa Shimi ashtaca ushaita charishcamandami importante textocunamanda ashtahuanga parlana can (2 Cor. 10:4; Heb. 4:12; be-S pág. 144 párrs. 1-3). Intindirinalla chimbapuraicunahuan yachachipangui (be-S pág. 245 párrs. 2-4). Bibliamanda cada yachajuj imata crishcata, ima problemata charishcata ricushpa aliguta yachachipangui. Cashna nishpa tapupangui: “Cunan yachajushcamandaca ¿imatata yuyapangui? ¿Imatata Jehovamandaca yachajupashcangui? Cai consejota pactachinaca ¿imashinashi quiquinda ayudanga?” nishpa (be-S pág. 238 párrs. 3-5; pág. 259 párr. 1).