Matrimoniopi cushilla ali causajcunaca Jehovatami alaban (Mr 10:9). Shuj huauqui o pani cazarangapaj munashpaca Jehovapa consejocunatami yaipi charina can. Shinami matrimoniopica cushilla causaita ushanga.

Shuj huauqui o pani “ñana yapa joven cashpaca” noviota o noviata charinataca decidita ushanmi. Pero yapa joven cashpaca shuj jarihuan shuj huarmihuan cana munaicuna yapa fuerte cashcamandami aliguta pensaritaca na ushanman (1Co 7:36). Soltero cashpallatami Jehovahuan ali amigo cangapaj y ali cualidadcunata charingapapash esforzarina capangui. Shinami shuj ali cusa o huarmi cangapaj preparado capangui.

Nara cazarashpallatami huauquita o panita ali rijsina capangui. Shinami Bibliapi nishcashna “shungu ucupimi” imashna cashcata rijsita ushapangui (1Pe 3:4). Quiquinhuan cazaragrijuj huauquimanda o panimanda dudajushpaca chai huauquihuan o panihuan parlapangui. Cazarashpaca quiquinba cusamanda o huarmigumanda imata rurai ushashcapi pensarinami ashtahuan importante cana can (Flp 2:3, 4). Soltero cashpallata Jehovapa consejocunata pactachishpaca cazarashpapash chai consejocunata pactachinaca facilllami canga.

CAZADO CAUSAIPACA ¿IMASHINATA CUNANMANDA PREPARARI USHANCHI? PARTE 3: “CULQUI PACTANATA O NA PACTANATARA RICUPANGUI” NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Panigupash, Davidpash noviocuna cai callarishpaca ¿imashinata sintirinajurca?

• Davidta ashtahuan ali rijsishpaca ¿imatata paniguca cuenta japirca?

• Panigupa taitacunaca ¿imashinata paitaca ayudarca? Paniguca ¿ima decisiondata agllarca?