Huaquinbi llaquilla sintirinaca normalmi can. Shinapash, shina sintirinaca espiritualmente nali cashcataca na ricuchijunllu. Jehová Diospashmi huaquinbica llaquilla sintirishca (Gé 6:​5, 6). Shinapash yapata llaquilla sintirijushpaca ¿imatata rurai ushapangui?

Jehovapa ayudata mañapangui. Jehová Diosca ñucanchicuna tucuipi sano, ali cachunmi munan. Paica ñucanchicuna llaquilla o contento cajpipash alimi yachan. Ashtahuanbash ñucanchicuna imatapacha pensajta, imashina sintirijujtaca ashtahuan alimi yachan (Sl 7:9b). Chaimandami paica ñucanchicuna depresión unguihuan cajpi o llaquilla cajpica ayudaita ushan. Jehová Diosca ñucanchimandaca ninandami preocuparin (Sl 34:18).

Quiquinba salud mentalta cuidapai. Llaqui pensamientocunaca cushilla cachunga na saquinllu. Shinallata Jehová Dioshuan ashtahuan ali amigo tucuchunbash na saquinllu. Chaimandami ñucanchi shunguta y pensamientocunataca cuidana minishtirishcapacha can (Pr 4:23).

ÑUCANCHI HUAUQUIPANICUNACA DEPRESIÓN UNGUIHUAN CASHPAPASHMI TRANQUILO ALI SINTIRISHPA CATIN NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Nikki panigu depresión unguihuan cashpa ñaupaman catingapaca ¿imatata rurarca?

  Respuesta

• Nikki paniguca ¿imashinata doctorpaman rina cashcata cuenta japirca? (Mt 9:12).

  Respuesta

• Nikki paniguca Jehovapi confiangapaca ¿imatata rurarca?

  Respuesta