JESUSPA CHAQUITA CATISHPA CAUSASHUNCHI
Ancianocunaca huauquipanicunata cuidangapami esforzarin
Ashtaca gentecunaca autoridadta charijcunapica na confianllu. Autoridadta charij ashtaca gentecunaca paicunalla beneficiaringapaj munaimandami imatapash rurashca. Chashna ruraicuna pundamandapacha tiashcatami yachapanchi (Miq 7:3). Shinapash Jehovapa organizacionbica diferentemi can. Jehová Diosca ancianocunataca huauquipanicunata cuidangapaj paicunapa autoridadta aliguta utilizachunmi yachachishca (Est 10:3; Mt 20:25, 26).
Ancianocunaca cai mundopi autoridadta charij gentecunashnaca na canllu. Paicunaca Jehová Diosta, huauquipanicunata juyaimandami imatapash ruran (Jn 21:16; 1Pe 5:1-3). Ancianocunaca Jesús yachachishcashnami Jehová Diosta cushijushpa, unido sirvichun y Jehová Diosman ashtahuan quimirichun huauquipanicunataca ayudan. Paicunaca Jehovata sirvijcunata animangapami dispuesto can. Shinallata jatun llaquicuna o na yashcapi shuj emergencia médica tiajpica huauquipanicunata ayudangapami listo can. Shinaca ayudata minishtijushpaca quiquinba congregacionmanda ancianocunahuan con confianza parlapailla (Snt 5:14).
HUAUQUI ANCIANOCUNAMI HUAUQUIPANICUNATACA AYUDAN NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
-
Ancianocuna ayudajpica ¿imashinata panigu Marianaca beneficiarirca?
-
Ancianocuna ayudajpica ¿imashinata huauqui Eliasca beneficiarirca?
-
Cai videota ricushpaca ancianocunapa trabajomandaca ¿imatata yuyapangui?