Caita liipanguichi
SHUJ TANDANAJUICUNA
DIOSPA REINOMANDA VILLACHIJCUNAPA ESCUELAMAN RINGAPAJ MUNAJCUNAPA. Precursorcuna cashpa, 23 huatamanda 65 huatacaman charishpa, ashtahuan tiempota villachingapaj munashpaca, domingo chishipi shuj tandanajuiman shamupangui. Maipi, ima horas canataca Jatun Tandanajuipimi villapashun.
CAITA LIIPANGUICHI
ACOMODADORCUNA. Acomodador huauquicunaca quiquingunata ayudangapami can. Shinaca carrota maipi saquinata, mashna asientocunata japinata, maita rinata nijpipash paicunata cazunami capanguichi.
BAUTISMO. Bautizarigrijcunapa discursotaca sábado tutamandatami uyachinga. Bautizarigrijushpaca shuj toallata, armana ropatapash apashpami, chai discurso nara callarijpillata ñaupajpi quiquingunaman alichishca asientocunapi tiarina capanguichi. Imapash cambiocuna tiajpica uchallami villapashun.
CONTRIBUCIONGUNA. Cai jatun tandanajuipi cushijushpa yachajuchun, Diosman ashtahuan quimirichunmi huaquin arreglocunata rurapashcanchi. Ali sonido, ali asientocuna, minishtirishca cosascuna tiachun, videocunata ali ricui ushangapaca culquigumi minishtirin. Quiquinguna cushca culquigucunami jatun tandanajuicuna tiachun, mundo enteropi Reinomanda villashpa catichunbash ayudan. Cai ucupica, contribuciongunapa tauca cajacunatami churapashcanchi. Quiquingunapa contribuciongunamandaca Cuerpo Gobernanteca ninandami agradicipan.
PRIMEROS AUXILIOS. Caimanga MINISHTIRIJPIPACHALLAMI rina capanguichi.
TARISHCA COSASCUNATA SAQUINA UCU. Imatapash tarishpaca chai ucupimi saquigrina capanguichi. Shinallata imata chingachishpapash chaipillatami tapugrina can. Chingashca huahuacunatapash chaimanllatami apana can. Shinapash chai ucuca huahuacunata cuidangapaca na canllu. Quiquingunapa huahuacunataca aligutami ricuriana capanguichi.
ASIENTOCUNA. Ama cungapanguichichu, asientocunataca ñucanchi familiapa, ñucanchihuan causajcunapa, ñucanchi carropi ñucanchihuan shamujcunapa o ñucanchihuan Bibliata yachajujcunapallami japina capanchi. Shuj asientocunata na ocupagrijushpaca asiento jahuapica imatapash na churanachu capanguichi.
AYUDANGAPAJ MUNAJCUNA. Jatun Tandanajuipi ayudangapaj munashpaca información nishca, servicio voluntario nishca pushtucunapi tapungapaj quimirinallami capanguichi.
Caitaca Cuerpo Gobernantemi rurashca
