TAPUI 5
Bibliaca ¿imatata ashtahuan parlan?
“Canhuan, huarmihuanga fiñanajushpa causachunmi churagrini. Shinallata cambaj miraihuambash, huarmipaj miraihuambash fiñanajuchunmi churasha. Paipaj miraimi, candaca umapi chugrichinga. Canga, chaqui talonbimi chugrichingui.”
“Canda bendiciajcunataca, bendiciashami. Canda ima llaquipash japishpaca alichari canman nijcunataca, paicunatapashmi llaquichisha. Canmandami, cai pachapi causanajuj tucuilla familiacunaca bendiciai tucunga.”
“Can mandanaca, ucha chayamuchunmi munanchi. Imashnami jahua pachapica can munashcashna ruranajun, chashnallata cai pachapipash, can munashcashna ruranajushpami ali canman.”
“Tucuita cazuchijuchun, paipaj ñaupajpi Dios churashca jipami, paipaj Churipash tucuita cazuchijuchun churaj Diosta cazujunga. Taita Diosllami, tucui imatapash tucuipi cazuchijunga.”
“Abrahammambash, paipaj miraimambash carashapachami nijushcami [...]. Ashtahuangarin, shujmanlla carangapajmi: “Cambaj miraiman” nishca. Chaica Cristomi. Cristopaj cashpaca, taita Abrahambaj miraicunapachami canguichi.”
“Ñucanchipaj Jatun Diospash, pai cachamushca Quishpichij Cristopash, cai pachapi tiaj tucui llactacunata mandajuna punllami pactashca. Paimi, causaita causaicaman mandajunga.”
“Chai dragonga, jahua pachamandami shitai tucurca. Paica, pundamandapacha causajuj culebrami. Paillatami, diablo shutipash, Satanás shutipash. Paica, tucui cai pachapi causajcunatami umachin. Paica, paipaj angelcunandimi, alpaman shitai tucurca.”