Diospa Shimi imata nijta yachajushunchi
Bibliapi yuyaicunaca gentecunaman Taita Dios escribichishca yuyaicunami can. Chaimandami Bibliataca Diospa Shimi nin. Bibliapica cushilla causangapaj, Taita Diosta cushichingapajpash imata ruranatami nin. Ashtahuangarin cai tapuicunatapashmi Bibliapica yachachin:
10 Shamuj punllacunamanda parlashpaca ¿imatata Bibliaca nin?
14 Culquita aliguta pactachingapaca ¿imatata rurai ushanchi?
16 Llaquicunata, problemacunata charishpaca ¿imatata rurana canchi?
17 Familiahuan cushilla causangapaca ¿imatata rurana canchi?
20 Bibliata liijushpa aliguta intindingapaca ¿imatata rurana canchi?
BIBLIAPI TEXTOCUNATACA ¿IMASHINATA TARI USHAPANCHI?
Bibliapica 66 librocunami tian. Génesis libromanda Malaquiascamanga Escrituras Hebreoarameas nishcami can. Chaicunatami huaquigunaca Ñaupa Testamento nin. Mateomanda Apocalipsiscamanga Escrituras Griegas nishcami can. Chaicunatami huaquigunaca Mushuj Testamento nin. Bibliapi librocunaca capitulocunata, versiculocunatami charin. Shinapash ¿imashinata shuj textotaca tari ushanchi? Pundapica libropa shutimi tiajun, chai jipa numeroca capitulomi can, chai jipa chaishuj numerocunaca versiculocunami can. Ejemplo. Génesis 1:1 tiajushpaca Génesis capítulo 1, versículo 1mi can.