Juyashca huauquipanigucuna:

Jehová Diosta juyaimanda y gentecunata juyaimandami: “Tucui llactapi gentecunapaman ripaichi y ñucapa discipulocuna tucuchun yachachigripaichi” mandashcata cazungapaj esforzaripanchi (Mat. 28:​19, 20; Mar. 12:​28-31). Juyaimi imatapash rurachun ayudan. Chaimandami Taita Diosmanda ali villaigucunataca, para siempre causaita cuj yachachishcacunata, paicunapa shungupi chasquina munaita charijcunaman yachachipanchi (Hech. 13:48).

Pundapica publicacionciongunata saquingapaj, presentaciongunata memorizangapami ninanda esfozarin carcanchi. Pero cunanga gentecunahuan parlai callaringapami esforzaripanchi. Chaimandami gentecuna uyangapaj munashca temamanda parlangapaj esforzaripanchi. Cada persona diferente cashcamandami chaita rurapanchi. Shinami gentecunata juyashcata ricuchipanchi. Y cai publicacionmi chaita rurachun ayudanga.

Cai folletopica gentecunata juyashcata ricuchingapaj, shinallata Jesuspa discipulocuna tucuchun ayudangapaj minishtirishca 12 cualidadcunamandami parlan. Chaitaca 12 lecciongunapimi yachachin. Cada leccionbimi Jesusmanda o primer siglomanda cristianocunamanda parlan. Shinallata villachingapaj minishtirishca cualidadcunata paicuna imashina pactachishcatami yachachin. Cunanbica, presentaciongunata memorizangapaca na esforzaripanchichu. Mas bien gentecunata juyashcata ricuchingapami ninanda esforzaripanchi. Cai folletopi parlashca 12 cualidadcunaca gentecuna Jesuspa discípulocuna tucuchun ayudangapami can. Shinapash huaquingunaca parlai callaringapaj, o cutin visitangapami ashtahuan ayudanga. Cutin shuj cualidadcunaca Bibliamanda yachachi callaringapami ashtahuan ayudanga.

Cada leccionda prepararijushpami, quiquingunapa llactacunamanda gentecunahuan parlai callaringapaj, chai cualidacunata imashina pactachinata pensarina capanguichi. Jehová Diosta juyana y gentecunata juyanami villachinapica ashtahuan importante can. Chaimandami Jehovatapash y gentecunatapash ashtahuan juyangapaj esforzarina capanguichi. Shina rurashpami discipulocuna tucuchun yachachigripaichi nishca shimicunata cazujushcata ricuchipanguichi.

Ashtaca gentecuna Jesuspa discipulocuna tucuchun ayudajushcamandami ninanda agradicipanchi (Sof. 3:9). Ashtacacuna Jesuspa discipulocuna tucuchun ayudashcamandami, quiquinguna rurashca esfuerzocunataca Jehová Dios bendiciapachunmi munapanchi.