CAPÍTULO 37

¿Bautizarinacha cani?

Cierto cajta o na cierto cajta nipai:

Jesusta ali catijcunaca tucuicunami bautizarina can.

□ Ciertomi

□ Na ciertochu

Bautizarishpaca ¿imapipash ñana pandarina cashcatachu ningapaj munan?

□ Ciertomi

□ Na ciertochu

Bautizarishpaca ¿salvarita ushanchichu?

□ Ciertomi

□ Na ciertochu

Na bautizarishca cajpica ñucapa ruraicunaca Taita Diospa ñaupapica na importante canllu.

□ Ciertomi

□ Na ciertochu

Ñuca amigocuna bautizarinajujpica ¿ñucapashchu bautizarina cani?

□ Ciertomi

□ Na ciertochu

¿BIBLIAPI mandashcacunata pactachishpachu causapangui? ¿Taita Diospa amigo cangapaj esforzarijupanguichu? ¿Canba crishcacunamanda shujcunamanbash villachingaca esforzaripanguichu? Cai tapuicunata ari nishca cashpa shinapash nara bautizarishca cashpaca, bautizarinapimi quiquinga tal vez pensarijupangui. Shinapash bautizaringapaj listo o na listo cashcata yachangapaca callaripi ricushca tapuicunapira pensaripai.

● Jesusta ali catijcunaca tucuicunami bautizarina can.

Chaica ciertomi. Jesusca paipa catijcunataca shuj gentecunatapash bautizanguichi nishpami mandarca (Mateo 28:​19, 20). Jesusllatapash bautizarircami. Chaimandami Jesuspa ejemplota catishpa bautizaringapaj ña listo cashcata sintishpaca bautizarinalla capangui.

● Bautizarishpaca ¿imapipash ñana pandarina cashcatachu ningapaj munan?

Na shina canllu. Bautizarishpaca tucuicunapa ñaupapillata Jehová Diostalla sirvingapaj dicidishcatami ricuchijungui. Nalicunata alicachishpapash chaicunata ama rurashcaiman yashpallaca na bautizarinachu can. Ashtahuanbash Jehová Diostalla sirvingapaj munaimandami bautizarinataca dicidinchi.

● Bautizarishpaca ¿salvarita ushanchichu?

Chaica ciertomi. Bibliapica salvaringapaca bautizarina minishtirishca cashcatami ricuchin (1 Pedro 3:​21). Shinapash salvarina cashcamandallaca na bautizarinachu capanchi. Ashtahuangarin Jehová Diosta tucui shunguhuan juyaimanda, paita sirvingapaj munaimandami bautizarina capanchi (Marcos 12:29, 30).

● Na bautizarishca cajpica ñucapa ruraicunaca Taita Diospa ñaupapica na importante canllu.

Na shina canllu. Bautizarishca o na bautizarishca cajpipash Santiago 4:17​pica “aliguta ruranata yachashpapash na rurajpica, paipaca juchami tucun” ninmi. Shinaca Taita Dios quiquin imata rurachun munashcata intindishpa, bautizarinata dicidingapaj munajushpaca, quiquinba taitacunahuan o congregacionbi shuj huauqui o panihuanmi parlaita ushapangui. Paicunami bautizarina munaita charishcata pactachichun ayudanga.

● Ñuca amigocuna bautizarinajujpichu ¿ñucapash bautizarina cani?

Na shina canllu. Ciertopacha bautizaringapaj munaimandami bautizarina capangui (Salmo 110:​3, TNM ). Testigo de Jehová tucuna shuj jatun responsabilidad cajta ali intindishpa, chai responsabilidadta pactachi ushanata seguro cashpaca bautizarinallami capangui (Eclesiastés 5:4, 5).

Bautizarina

Bautizarishpaca ashtaca bendiciongunatami charingui. Pero bautizarishpaca Jehová Diostalla sirvisha nishcataca pactachinapachami capangui.

Ña bautizarigrijushpaca de seguromi cushilla sintiripangui. Porque tucui causaipi Jehová Diosta tucui shungu sirvinaca shuj jatun bendicionmi can (Mateo 22:​36, 37).

CATI CAPITULOPICA

Imashna quiquinba causaita aliguta aprovechanata yachajupai.

TEXTO

“Cangunapa cuerpotaca, animalta Diosman caranshna cangunapaj tucui causaita cushpami, paipajlla causashpa Taita Diosta cushichina canguichi. Shina causanami, Diosta yarishpa causanaca” (Romanos 12:1).

CAITA RURAPAI

Quiquinba taitamamataca congregacionmanda maijan huauqui o panita ñucataca ayudai ushan nishpa tapupai (Hechos 16:1-3).

¿YACHAPARCANGUICHU?

Bautizarinaca salvaringapaj shuj señal cuendami can (Ezequiel 9:4-6).

CAITAPASHMI RURAGRINI

Bautizaringapaj munashpaca ¿Bibliapa maijan yachachishcacunatata ashtahuan ali intindina cani? ․․․․․

Ñuca taitamamataca ¿Bibliapa maijan temamandata tapungapaj munani? ․․․․․

¿IMATATA NIPANGUIMAN?

●Bautizarinaca ¿imamandata shuj jatun responsabilidad can?

●Huaquin jovengunaca ¿imashpata bautizarina ima cajta nali intindishpallata bautizarishca?

●¿Imashpata huaquin jovengunaca bautizarishpa Jehová Diostalla sirvinataca na ucha dicidin?

[Comentario]

“Bautizarishca cashcata yarinami alita rurangapaj esforzarichun, nalicunamanda jarcarichunbash ayudahuan.” (Noemí)

[Foto y recuadro]

Bautizarinamanda tapuicuna

Bautizarinaca ¿imatata nisha nin? Yacupi pambarishpa bautizarishpaca ñucanchi punda causaita saquishpa huañuj cuendami can. Shinapash yacumanda llujshishpaca Jehová Diospa munaitalla pactachingapaj cutin causarishcashnami can.

Jehová Diostalla sirvingapaj dicidishcataca ¿imashinata shuj personaca ricuchin? Paipa munaicunata ladoman saquishpa, paipa tucui causaipi Jehová Diostalla sirvishpami ricuchin (Mateo 16:24). Shinaca nara bautizarishpallatami Jehová Dios candallami para siempre sirvisha nishpa mañana capangui. Shinami Jehovatalla sirvingapaj dicidishcata ricuchingui.

Nara bautizarishpallata ¿imatata rurana cani? Bibliapa yachachishcacunata cazushpa, Bibliapa yachachishcacunatapash shujcunaman parlanami cangui. Shinallata Taita Dioshuan ali amigo cangapajpashmi esforzarina cangui. Chaipaca Bibliata estudiashpa, Taita Diostapashmi mañana cangui. Jehová Diostaca na shujcuna mandajpilla sirvinachu cangui, quiquinbacha munaimandami sirvina cangui.

¿Mashna huatacunata charishpata bautizarina cani? Bautizaringapaj shuj edadca na tianllu. Pero Bautizarina shuj jatun responsabilidad cashcata intindishpa, chai responsabilidadta pactachingapaj dispuesto cashpaca bautizarinallami cangui.

Ñuca bautizaringapaj munajpipash ñuca taitacuna nara bautizarinachu cangui nijpica ¿imatata rurana cani? Quiquinba taitacunaca Bibliapa yachachishcacunata ashtahuan ali intindina faltanrami yashpa shina ninajujpica, paicunata uyashpa, chaicamanga Taita Dioshuan ashtahuan ali amigo tucungapami esforzarishpa catina cangui (1 Samuel 2:26).

[Recuadro]

Cai tapuicunata contestapai

¿Bautizaringapaj munajunguichu?

Cai cati tapuicunata contestanami bautizaringapaj listo o na listo cashcata yachachun ayudanga. Gulpi textocunata liinataca ama cungapanguichu.

¿Jehová Diospica confianguichu? Paipi confiashcataca ¿imashinata ricuchijupangui? (Salmo 71:5) ․․․․․

Ima ali cajta, ima nali cajtaca ¿alichu intindipangui? Ali intindishcataca ¿imashinata ricuchipashcangui? (Hebreos 5:14) ․․․․․

¿Punllapica mashna viajetata Jehová Diostaca mañangui? ․․․․․

Jehová Diosta mañajushpaca ¿imashina sintirishcatapachachu villangui? Mañajushpaca ¿Jehová Diosta ciertopacha juyashcatachu ricuchingui? (Salmo 17:6) ․․․․․

Jehová Diosta mañajushpaca ¿imapita ashtahuan mejorangapaj munapanguiman? ․․․․․

Bibliataca ¿ima punllacunallata estudiangui? (Josué 1:8) ․․․․․

Bibliata estudiajushpaca ¿ima temacunamandata estudiangui? ․․․․․

Bibliata estudiajushpaca ¿imata rurangapata munapangui? ․․․․․

¿Alichu villachijupangui? (Bibliapi yachajushcacunataca ¿alichu explicaita ushapangui? Pipash ashtahuan yachajungapaj munajpica ¿cutin visitapanguichu? ¿Shuj estudio biblicota charingapaj esforzarijupanguichu?)

□ Ari □ Na

¿Canba taitacuna predicacionman na llujshijpipash predicacionman llujshingapaj esforzaripanguichu? (Hechos 5:​42)

□ Ari □ Na

Predicajushpaca ¿imata rurangapata munapangui? (2 Timoteo 2:15) ․․․․․

Reuniongunamanga ¿na faltashpachu ripangui? (Hebreos 10:25) ․․․․․

Reuniongunapica ¿imashinata ayudapangui? ․․․․․

Canba taitacuna reuniongunaman na ri ushajpipash, pero canda richun saquijpica ¿ringapaj esforzaripanguichu?

□ Ari □ Na

Taita Diosta sirvimandaca ¿cushillachu sintiripangui? (Salmo 40:8)

□ Ari □ Na

Escuelapi o colegiopi Jehovata ama sirvichun jarcaicuna ricurijpica ¿imatata ruraparcangui? (Romanos 12:2) ․․․․․

Jehová Diosta tucui shungu siempre juyashpa causangapaca ¿imatashi rurana capanguiman? (Judas 20, 21) ․․․․․

Canba taitacuna o canba amigocuna Jehovata sirvinata saquijpipash ¿Jehovata sirvishpa catinguimanlla? (Mateo 10:36, 37)

□ Ari □ Na

[Foto]

Bautizarinata dicidinaca shuj jatun responsabilidadmi can. Cazarangapaj dicidigrijuj cuendami can. Chaimandami ali yuyashpa dicidina canchi