LECCIÓN 25
Gentecuna ¿imashina causachunda Jehová Diosca munan?
Bibliapica gentecunaca, “asha punllacunatalla causana cashpapash, llaquihuan shaijushcami causan” ninmi (Job 14:1). Pero, ¿shina causachunllu Taita Diosca munarca? Na shina cajpica gentecuna ¿imashina causachunda munarca? Chai nishcacunaca ¿imahorapash pactaringacha? Cai tapuicunapa respuestacunata Bibliapi ricupashunchi.
1. Ñucanchicuna ¿imashina causachunda Jehová Diosca munan?
Jehová Diosca ñucanchicuna cushilla, ali causachunmi munarca. Adán y Evata rurashpaca, shuj juyailla paraíso alpagupi causachunmi churarca. Cai paraíso alpaguca jardín de Edén shutimi carca. Chaipica “Taita Diosca, cashna nishpami paicunataca bendiciarca: ‘Huacharishpa ninanda mirashpa, ashtacacunapacha tucushpa, cai pachapi jundanguichi. Cai pachapi imalla tiajcunata cazuchinguichi’” (Génesis 1:28). Jehová Diosca, gentecuna huahuacunata charishpa, tucui alpata shuj juyailla paraisota rurashpa, animalgucunatapash cuidashpa causachunmi munarca. Jehová Diosca tucui gentecuna sano, para siempre cushilla causachunbashmi munarca.
Jehovapa munai cunanbi na pactarishca cajpipash, a paipa munaica nunca na cambiashcachu (Isaías 46:10, 11). Jehová Diosca tucuilla paita cazujcuna para siempre causachunmi munan (Apocalipsis 21:3, 4, liipangui).
2. ¿Imashinata cunanmandallata cushilla causai ushapanchi?
Jehová Diosca ‘paimanda yachajungapaj’ munaihuan, paita adorana munaihuanbashmi ñucanchicunataca rurarca (Mateo 5:3-6, liipangui). Jehová Diosca paihuan ali amigo tucuchunmi munan. Shinallata “tucui pai mandashcacunata cazushpa causachunmi” munan. Jehová Diosca paita juyachun, paita tucui shunguhuan sirvichunbashmi munan (Deuteronomio 10:12; Salmo 25:14). Cai mandashcacunata catishpaca, llaquicuna ricurijpipash cushillami causai ushashun. Jehovata sirvinami ciertopacha cushilla causachun ayudan.
ASHTAHUAN YACHAJUPASHUNCHI
Cunanga Jehová Dios cai mundota rurashpa gentecunata juyashcata imashina ricuchishcatami yachajugripanchi. Shinallata ali causaiguta charichun munashcatapashmi Bibliapi ricugripanchi.
3. Jehová Diosca gentecuna cushilla, ali causachunmi munan
VIDEOTA ricushpa, cai tapuita contestapangui:
-
Jehová Diosca ¿imamandata cai alpataca rurarca?
Eclesiastés 3:11ta liishpa, cai tapuita contestapangui:
-
Cai textoca ¿imatata Jehová Diosmandaca yachachin?
4. Jehová Diospa munaica na cambiashcachu
Salmo 37:11 y 29 y Isaías 55:11ta liishpa, cai tapuita contestapangui:
-
Jehovapa propósito cunangaman na cambiashcataca ¿imashinata yachapanchi?
Shuj urmanalla huasigutaca arreglaita usharinmi. Shinallatami cai mundohuanbash pasagrin. Gentecunaca ninandami cai mundotaca dañashca. Pero Jehová Diosca, paita cazuj gentecuna causachunmi ñalla arreglanga
5. Jehová Diosta adorashpa causanaca cushillapacha causachunmi ayudan
Jehová Diospa munai maijan cashcata yachashpaca cushillami sintiripanchi. VIDEOTA ricushpa, cai tapuita contestapangui:
-
Videopi ricushca shinaca, Terumi panigu cushilla causachunga ¿imata ayudarca?
Eclesiastés 12:13ta liishpa, cai tapuita contestapangui:
-
Ñucanchimanda Jehová Dios tucuita rurashcamandaca ¿imashinata agradicina capanchi?
HUAQUINGUNACA, “Ñucanchicunaca ¿imapashi causanchi?” nishpami tapuchita ushan.
-
Quiquinda shina tapuchijpica ¿imata nipanguiman?
YARINGAPAJ
Jehová Diosca tucuicuna cushilla, para siempre cai alpapi causachunmi munan. Jehová Diosta tucui shunguhuan sirvishpaca, cunanbipashmi cushilla causaita ushapanchi.
¿Imatata yachajupashcanchi?
-
Adán y Evataca ¿imacunatalla rurachunda Jehová Diosca rurarca?
-
Jehovapa munai cunangaman na cambiashcataca ¿imashinata yachapanchi?
-
Cushilla causachunga ¿imashi ayudanga?
CAITAPASH RICUPAI
Jardín de Edén ciertopacha tiashcata o na tiashcata ricupai.
Cai mundo tucurina o na tucurina cashcata ricupai.
“Cai alpaca ima horapash ¿tucuringacha?” (jw.org paginapi ricupangui)
Ñucanchi causaimanda Bibliapi ima nijta ricupai.
Cai videopica shuj persona paipa causaipi tucuita charishpapash imamanda na cushilla causai ushashcata ricupai.
a Cati leccionbimi Jehová Diospa munai imamanda na pactarishcata ricugripanchi.
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
