LECCIÓN 37
Trabajomanda y culquimandaca ¿imatata Bibliapica yachachin?
Trabajomanda o culquimandaca ¿ninandachu preocuparipashcangui? Ñucanchi minishtirishcaguta charingapaj trabajana y a la misma vez Jehovata sirvishpa causanaca dificilmi caita ushan. Shinapash Bibliapa consejocunami ñucanchicunata ayudaita ushan.
1. Trabajomandaca ¿imatata Bibliapica nin?
Jehová Diosca ñucanchicuna trabajanajushpa cushilla cachunmi munan. Chaimandami Bibliapica pipash pai rurashca trabajota ña ricushpaca “paipaj shungupipash cushijun” ninmi (Eclesiastés 2:24). Jehová Diospashmi shinllita trabajan. Ñucanchicunapash Jehová Dioshna shinllita trabajangapaj esforzarishpaca, pai munashcashnami causanajupashun. Shinallata ñucanchillatami cushilla sintirishun.
Trabajoca importantemi can. Pero Jehová Diosta sirvinata yali importante tucuchunga nimamanda na saquinachu capanchi (Juan 6:27). Jehová Diosca paita sirvinata en primer lugar churajpica, tucui minishtirishcaguta carasha nishpami prometishca.
2. Ñucanchi culquigutaca ¿imashinashi utilizana capanchi?
Bibliapica culquica ñucanchi causaipi ayudanmi ninmi. Shinallata culquita charishcamandalla na cushilla causai ushashcatapashmi nin (Eclesiastés 7:12). Bibliaca culquitaca na juyashpa causana cashcatami yachachin. Chaimi cashna nishpa consejan: “Imaguta charishpapash chaihuanlla cushijushpami causana canguichi” (Hebreos 13:5, liipangui). Charishcaguhuanlla cushilla causashpaca, ashtahuan culquita charinamandaca na preocuparishunllu o yangamandapash na dibi tucushunllu (Proverbios 22:7). Shinallata culquita apostashpa pugllanamanda y facillla charij tucuna munaimandapashmi caruyapashun.
3. ¿Imashinata ñucanchi culquiguhuan shujcunata ayudai ushapanchi?
Jehová Diosca na mitsashpa caraj Diosmi can. Paipa ejemplota catishpami ‘shujcunaman imagutapash compartingapaca listo cana capanchi’ esforzarina capanchi (1 Timoteo 6:18). Ñucanchi charishca culquigutaca congregacionba gastocunapi ayudashpa y ayudachun minishtinajun huauquipanicunatapash ayudashpami aliguta utilizaita ushapanchi. Jehová Diosca mashna culquita carajtaca na ricujunllu. Paica ima munaihuan carajtami ricujun. Shungumanda imagutapash carashpaca ñucanchillatami cushilla cashun. Y Jehová Diostapashmi cushichishun (Hechos 20:35, liipangui).
ASHTAHUAN YACHAJUPASHUNCHI
Cunanga trabajanapilla na yapata empeñarishpa causana y shinallata charishcaguhuan cushilla causana ñucanchita imashina ayudajtami yachajugripanchi.
4. Ali trabajadorcuna cashpaca Jehová Diostami alipi quidachipanchi
Jehová Dioshuan ali amigo cashpaca, ima trabajopi cashpapash Jehová Diospa trabajajunshnami trabajapashun. VIDEOTA ricushpa, cai tapuicunata contestapangui:
-
Huauqui Carlosca ¿imashinata paipa trabajopica trabajan carca?
-
Trabajopilla ama yapata yalingapaca, cai huauquiguca ¿imatata rurarca?
Colosenses 3:23 y 24ta liishpa, cai tapuita contestapangui:
-
¿Imamandata ali trabajadorcuna cangapaj esforzarina capanchi?
Trabajoca importantemi can. Pero Jehovata sirvinatapash yali ashtahuan importante tucuchunga na saquinachu capanchi
5. Charishcaguhuanlla contento cashpaca ñucanchillatami beneficiaripanchi
Tauca gentecunaca ashtaca culquita charingapami ninanda esforzarin. Shinapash Bibliapica chaita rurana cashcataca na yachachinllu. 1 Timoteo 6:6manda 8caman liishpa, cai tapuita contestapangui:
-
Bibliapa cai textopica ¿ima consejotata taripanchi?
Asha culquigutalla charishpapash cushillami causaita ushapanchi. VIDEOTA ricushpa, cai tapuita contestapangui:
-
Cai videopi ricushca familiacuna asha culquigutalla charishpapash ¿imamandata cushilla causan?
Ashtaca culquita charishpapash ¿ashtahuan charingapachu munana capanchi? Jesusca shina pensana peligroso cashcatami intindichirca. Lucas 12:15manda 21caman liishpa, cai tapuita contestapangui:
-
Jesús parlashca chimbapuraimandaca ¿imatata yachajupangui? (Versículo 15ta ricupangui).
Proverbios 10:22ta liishpa, 1 Timoteo 6:10huan comparapangui. Chai jipaca cai tapuicunata contestapangui:
-
¿Imata ashtahuan importante can? ¿Jehová Dioshuan ali amigo cana o ashtaca culquita charina?
-
Ashtaca culquita charina munaica ¿ima llaquicunamanda apan?
6. Ñucanchicuna imata minishtijujtaca Jehová Diosmi caranga
Trabajo illa quidashpa o culquimanda problemacuna ricurijpimi Jehová Diospi feta charishcata o na charishcata ricupashun. Shina llaquicunata charishpa imashina aguantai ushanata yachangapaca, cai VIDEOTA ricupangui. Chai jipaca cai tapuicunata contestapangui:
-
Cai videopi ricushca huauquiguca ¿ima llaquicunatallata charirca?
-
Aguantashpa ñaupaman catingapaca ¿imatata rurana tucurca?
Mateo 6:25manda 34caman liishpa, cai tapuita contestapangui:
-
Jehovata sirvinata primeropi churajcunamandaca ¿imatata Jehová Diosca ruranga?
HUAQUINGUNACA, “Ñuca familiata mantiningapaca ashtacatami trabajana cani. Reuniongunaman cada semana ritaca na ushanichu” ninmi.
-
Ñucanchi causaipi Jehovata primeropi churana ali cashcataca ¿Bibliapa maijan textocunata intindichin?
YARINGAPAJ
Trabajopash y culquiguta charinapash minishtirishcami can. Pero Jehová Diosta sirvinatapash yali ashtahuan importante tucuchunga na saquinachu capanchi.
¿Imatata yachajupashcanchi?
-
Trabajopilla ama yapata yalichunga ¿imata ayudanga?
-
Charishcaguhuanlla cushilla canaca ¿imashinata ñucanchitaca ayudan?
-
Jehová Diosca imata minishtijushcataca carasha nishcami. Pero paipi confiashcataca ¿imashinata ricuchita ushapangui?
CAITAPASH RICUPAI
¿Culquita charina nali cashcatachu Bibliapica nijun?
“¿Tucui nali ruraicunamandaca culquichu culpata charin?” (jw.org paginapi ricupangui)
Jehová Dios cushilla sintirichunga ¿imashinata ñucanchi culquigutaca utilizana capanchi?
“Caranamandaca Bibliapica ¿imatata nin?” (jw.org paginapi ricupangui)
Apostashpa pugllanaca ¿nalichu can?
“Bibliapica ¿imatata yachachin? Apostashpa pugllana” (Rijcharipaichi revista, marzo de 2015)
Shuj mishugu imamanda shuhuashpa causanata y apostashpa pugllanata saquishcata ricupai.
“Caballo carreracunapimi ninanda apostan carcani” (Villajun revista, 1 de noviembre de 2011)
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
