Cunangamanga Jehová Diosmandaca ashtacatami yachajumupashcangui. Chaimandami Jehová Diosta ashtahuan juyashpa paita sirvinata decidishpa talvez ña bautizaripashcangui. Pero si nara bautizarishca cashpaca talvez bautizaringapami pensarijupangui. Shinapash bautizarishca jipapash Jehovaman ashtahuan quimiringapaj, paipa ashtahuan ali amigo cashpa catingapami esforzarina capangui. Chaitaca para siempremi rurashpa catina capangui. Chaita imashina ruranata ricupashun.

1. ¿Imamandata Jehová Diospa ashtahuan ali amigo cangapaj esforzarishpa catina capangui?

Jehová Dioshuan ali amigo cangapaca cada unomi ninanda esforzarina capanchi. ¿Imamandata shina rurana capanchi? Jehová Diosmanda ‘nunca ama caruyangapaj’ paita nunca na saquingapami shina rurana capanchi (Hebreos 2:1). Jehovata na saquishpa paita sirvishpa catichunga ¿imata ayudanga? Villachinapi ashtahuan ocuparishpa, Jehová Diosmanda ashtahuan cosascunata ruranami ayudanga (Filipenses 3:16, liipangui). Jehová Diosta sirvishpallami cushilla causaita ushapashun (Salmo 84:10).

2. ¿Imatata ashtahuan rurashpa catina capangui?

Cai librota yachajuita ña tucuchijushca cashpapash Jehová Diosta sirvinataca chairami callarijupangui. Bibliapica cada cristianomi ‘mushuj causaitaca ropata churajunshna churajuna canguichi’ ninmi (Efesios 4:23, 24). Bibliata yachajushpa catishpa, tandanajuicunaman siempre rishpaca Jehová Diostaca ashtahuanmi rijsishpa catipangui. Jehová Diospa ejemplota catishpa paishna cangapaj esforzaripangui. Shinallata ima cambiocunata rurana cashpapash cambiocunata rurashpa Jehová Diosta cushichishpa catipangui.

3. Espiritualmente ñaupaman catichunga Jehová Diosca ¿imashinata ayudan?

Bibliapica, Jehová Diosllatami “quiquingunataca shinlli cachun, tucui shunguhuan sirvishpa catichun y shinlli shayarichunbash ayudanga” ninmi (1 Pedro 5:10). Tucuicunallatami shuj shuj tentaciongunata charipanchi. Pero Jehová Diosmi chai tentaciongunata mishachun ayudanga (Salmo 139:23, 24). Shinallata Jehová Diosca cazuna munaita charichun y chaita pactachichunmi fuerzata carasha nishpa prometishca (Filipenses 2:13, liipangui).

 ASHTAHUAN YACHAJUPASHUNCHI

4. Jehová Diosta mañanataca nunca ama saquipanguichu

Bibliata yachajuna, Jehová Diosta mañanami paipa ashtahuan ali amigo cachun ayudashca. Shina rurashpa catingapaj esforzarishpaca ¿Jehová Diosman ashtahuan quimirichun ayudangacha? ¿Imashinata ayudanga?

Salmo 62:8​ta liishpa, cai tapuita contestapangui:

• Jehová Dioshuan alipacha amigo cangapaca ¿imashinata paitaca mañana capanchi?

Salmo 1:2​ta liishpa, cai tapuita contestapangui:

• Jehová Dioshuan ali amigo cashpa catingapaca Bibliatami liina capanchi. Bibliata ashtahuan aliguta liishpa yachajungapaca ¿imatata rurana capanchi?

Quiquinba estudio personalpi ashtahuan mejorashpa catingapaca ¿imatata rurai ushapangui? VIDEOTA ricushpa, cai tapuicunata contestapangui:

• ¿Videopi ricushca maijan consejocunatata pactachingapaj munapangui?

• ¿Maijan temacunatata yachajungapaj munapangui?

 YARINGAPAJ

Jehová Diospa ashtahuan ali amigo cangapaj, espiritualmente ñaupaman catingapaj esforzaripangui. Shinami para siempre cushilla causaita ushapangui.

¿Imatata yachajupashcanchi?

• Jehová Diosta tucui shunguhuan sirvichun paillata ayudanataca ¿imamandata seguro capangui?

• Jehová Diosman ashtahuan quimiringapaca ¿imatata rurai ushapangui?

• Jehová Diosta ashtahuan sirvingapaj metacunata charinaca ¿imamandata importante can?