Shuj juyailla paraíso alpagu
Jehová Diosca ñallami Satanás apamushca tucui llaquicunataca tucuchitapacha tucuchinga. Chaipami Jehová Diosca cai alpapi rey cachun Jesusta agllarca. Jesús mandajujpica cai alpa enteromi shuj juyailla paraíso tucunga (Daniel 7:13, 14; Lucas 23:43).
Jehová Diospa Gobierno mandajujpica caicunami pactaringa:
ASHTACA ASHTACA MICUNAGUMI TIANGA: “Alpacunapica, granocuna fucungami. Taita Diosca bendiciangami. Ñucanchi Taita Diosca bendiciangapachami”. “Pambapipash, jahua urcu umacunapipash, granocuna tiachunmi maqui jundata shitanajunga” (Salmo 67:6; 72:16).
GUERRACUNACA ÑANA TIANGACHU: “Mandaj Dios imatalla rurashcata ricuj shamuichi. Paica cai pachataca, llaquinayaitami tucuchishca. Paica, cai pacha tucui manñacunacaman jatun macanajuicuna tiajtapash saquichinllami” (Salmo 46:8, 9).
NALI GENTECUNACA ÑANA TIANGACHU: “Nalicunaca tucuchi tucungami [...]. Cunanmanda asha punlla jipaca, nali runaca illangami. Pai tiajushca pushtuta can ricujpica, chaipica illangami” (Salmo 37:9, 10).
UNGUICUNAPASH, LLAQUICUNAPASH, HUAÑUIPASH ÑANA TIANGACHU: “Pai shamujpica, ñausacunapaj ñavipash pascaringami. Na uyajcunapaj rinripash pascaringami. Chaipica, suchucunapash tarugashnami fahuanajunga. Upacunapash juyaillami candanajunga” (Isaías 35:5, 6).
‘Taita Diosca [...], paicunahuanmi causajunga’. “Taita Diosmi, paicunapaj ñavimandaca, tucuilla viquita fichanga. Huañuipash, huacaipash, llaquipash, nanaipash, na ashtahuan tiangachu. Punda ima tiashcapash illangami” (Apocalipsis 21:3, 4).
Satanashuan, demoniocunahuan ricujpica, Jehová Diosca nunca na llullanllu. Paipa nishcacunaca siempremi pactarin (Lucas 1:36, 37). Jehová Diosca quiquindaca ninandami juyan. Chaimi quiquinbash shuj juyailla paraíso alpagupi causachun munan. Cai juyailla esperanzacunamanda Bibliapi ashtahuan yachajungapaj munashpaca, testigo de Jehovacunahuanmi parlaita ushapangui. Bibliapa cabal yachachishcacunata quiquinba causaipi pactachishpaca llullacunamanda, nali ruraicunamanda, panda yachachishcacunamandapash libre quidaita ushapangui. Y tiempohuanga pecadomandapash, huañuimandapashmi salvaringui. Imashinami Jesusca nirca, Taita Diospa yachachishcacunami “esclavoshna causanajushcamandaca libre saquinga” (Juan 8:32, TNM).
Cai temacunata ashtahuan liipai
BIBLIAMANDA HUAQUIN YACHACHISHCACUNACA
Taita Diospa Reinoca ¿imata can?
Jesús cai Alpapi cashpaca ashtahuanbachaca Diospa Reinomandami gentecunamanga parlarca. Ashtaca tiempotami gentecunaca Taita Diospa Reino shamuchun mañanajun.
