¿Jehovata cazunaca facilchu can?... Ashtaca gentecunaca na facilchu ninmi. Cutin Bibliapica cazui ushanallami can ninmi. Josiasmanda parlashpaca uchillamandapacha Jehovata sirvishpa causangapaj esforzarishcatami nin. Chaipaca ali amigocunata agllanami ayudarca. Shinaca Josiasmanda, paipa amigocunamandapash yachajushun.

Josiaspa taitaca Judá llactata mandaj Amón shutimi carca. Paica yanga dioscunata adoraj, nalicunata rurajmi carca. Amón huañujpica Josiasmi mandai callarirca. Mandai callarishca horasca 8 huatacunatallami charirca. ¿Josiasca paipa taitashnacha nalicunata rurarca?... Paica taitapa chaquitaca na catircachu.

Uchillamandapachami Josiasca Jehovata sirvishpa causangapaj munarca. Chaimandami Jehovata tucui shunguhuan juyaj ali amigocunata agllarca. Paicunami Josiastaca ayudarca Jehovata cazushpa causachun. Picuna Josiaspa amigocuna cashcata ricushun.

 Shuj amigoca profeta Sofoniasmi carca. Paica Judapi causajcunamanmi villana carca, “yanga dioscunata adoranata na saquishpaca llaquichi tucunata”. ¿Josiasca Sofoniasta cazurcachu? Paica cazushpami yanga dioscunata adoranapa randica Jehovata adorashpa causarca.

Jeremiaspashmi Josiaspa amigo carca. Paicunaca chai edadtallatami charirca. Ña jovenguna cashpaca ladollami causarca. Jeremiaspash Josiaspash randimandami Jehovata sirvingapaj ayudarirca. Alipacha llevarimandami Josías huañujpica, Jeremiasca ninanda llaquirishpa llaquilla candana musicata escribirca.

Josiasmandaca ¿imatata yachajunchi?... Paica uchillamandapacha Jehovata cazushpa causangapami Jehovata juyaj ali amigocunata agllarca. Canbash Jehová Diosta sirvishpa causangapaj munashpaca, Jehovata juyaj amigocunatami agllana cangui.