Shujcunamandaca alitami yuyana capangui. Quiquinba huauquipanicuna Jehovapa munaita pactachingapaj munanajushcataca confianami capangui. Consejajushpapash, imagumandapash tucui shunguhuan felicitashca jipami consejana capangui.

Problemacunamandaca ashatallami parlana capangui. Importante yuyaicunata intindichina minishtirijujpillami, problemacunamandaca parlana capangui. Ali yuyaicunamandami ashtahuanbachaca parlana capangui.

Diospa Shimita ali utilizapangui. Gentecunata ayudangapaj Jehová Dios imata rurashcata, imata rurajujta, imata ruragrijujtapash intindichishpami animana capangui. Quiquinda uyajcuna shinlli tucuchun, animarichunmi ayudana capangui.