PARTE 4
Diablota uyaimandaca ¿imata tucurca?
Diosta na cazuimandami Adanbash Evapash huañurca. Génesis 3:6, 23
Evaca culebrata cazushpami ama micunguichichu nishca quirumanda frutata japishpa micurca. Jipaca, Adanmanbash cujpimi Adanbash micurca.
Na cazushpa juchata rurajpimi Diosca jardinmanda llujchirca.
Paicunapash paicunapa huahuacunapash sufrishpami causarca. Chai jipaca mayoriashpami huañurca. Paicunaca na jahua pachaman rircachu, huañushpaca chaipimi tucurirca.
Huañushcacunaca ñutu alpami tucun na imatapash ruranllu. Génesis 3:19
Adanba, Evapa huahuacuna cashpami tucuicuna huañunchi. Huañushcacunaca ricuita, uyaita, imata ruraitapash na ushanllu (Eclesiastés 9:5, 6, 10).
Gentecuna huañuchunga Diosca na munarcachu. Huañushcacunataca ñallami Diosca causachinga. Paicuna Diosta cazushpaca na huañungachu.
Cai temacunata ashtahuan liipai
BIBLIAMANDA HUAQUIN YACHACHISHCACUNACA
¿Huañushca jipaca imata tucunchi?
Bibliapica yachachin Lázaro shina ashtaca huañushca gentecuna causarinata.
BIBLIAMANDA HUAQUIN YACHACHISHCACUNACA
Diosca ¿imamandata llaquicuna tiachun saquishca?
Ashtaca gentecunaca ¿imamandata ashtaca llaquicuna tian? nishpami tapurin. Shinapash Bibliapica shuj ali causai ñalla tianatami yachachin.
