Ñucanchi culpamandallata llaquicunata charishpaca, chai llaquicunataca jarcaita ushanchimanmi.

Cunanga huaquin llaquicunamanda ricupashunchi. Shinapash ¿ñucanchi culpamandallatachu cai cati llaquicunataca charinchi?

• Maltratai tucuna o violai tucuna

  Organización Mundial de la Salud (OMS) nishcaca, cada 4 jaricunamandaca shujlla jarimi huahua cajpi maltratai tucushcata nin. Shinallata quimsa huarmicunamandaca shujlla huarmimi maltratai tucushca o violai tucushca (o na cashpaca maltratai tucushca y violai tucushca) nin.

• Shuj juyashca amigo o familia huañujpi

  OMS nishca organizacionba, Estadísticas sanitarias mundiales 2018 inglés shimipi revistapica ninmi: “Huata 2016​pica casi 477​mil huañuchi tucushcacunami mundo enteropica tiarca” nishpa. Shinallata chai huatapillatami guerracunapi, shuj shuj macanajuicunapipash 180​mil huañushca gentecunapash tiarca.

• Nali saludta charina

  National Geographic, nishca revistapi Fran Smith shuti huarmica cashnami nin: “Mundo enteropica ashtaca mil millón yali gentecunami tabacota chupan. Tabacota chupaimandami, shungu nanai ungüicuna, umapi ataquecuna, shinallata cáncer de pulmón nishca ungüita charita ushan. Chai ungüicunamandami ashtaca gentecuna huañushca”.

• Na igual tratai tucuna

  Jay Watts psicóloga huarmica ninmi: “Pobre caimanda, na igual tratai tucuimanda, shuj llactamanda cajpi nali tratai tucuimanda, huarmi cajpi nali tratai tucuimanda, shujcunamanda yali sintirina, shinallata huasimanda munai na munai shuj ladoman causangapaj rinami yapata preocuparita, llaqui llaqui sintirita o depresión ungüitapash japita ushan” nishpa.

  ASHTAHUAN YACHANGAPAJ MUNASHPACA

  Taita Diosca cai alpata ¿imapata rurarca? videota jw.org paginapi ricupangui

Llaquicunaca casi siempremi gentecunapa culpamandallatami tian

Ashtaca llaquicunaca nali gobiernocunapa culpamandami tian. Chai gobiernocunaca gentecunata ayudanajunchi nishpapash llaquichitarami llaquichishca.

“Runaca, paipaj llaquipajllata caishuj runata llaquichishpa charina punllami chayan” (ECLESIASTÉS 8:9).

Ashtaca llaquicunata ama charingapaca ¿imatata rurana capanchi?

Bibliapa consejocunami ali saludta charichun, shujcunahuanbash ali llevarichunmi ayudan.

“Cushilla shunguca, cuerpomambash causaita cunmi. Ashtahuangarin imatapash ñucapaj cashcanman yashpa ricunaca, tullucunata ismuchinshnami” (PROVERBIOS 14:30).

‘Shungupi jatun llaquillahuan canatapash, fiñashca, fiñarishcalla canatapash, caparishpa rimajunatapash saquinami canguichi. Llaqui japishpami ali canman nijunatapash, nalita ruranatapash saquinami canguichi’ (EFESIOS 4:31).