Saquitapacha saquita ushanguimi

QUIQUINGA “shinlli tucushpa” esforzarinami capangui (1 Crónicas 28:10). Fumanata saquitapacha saquingapaca ¿imatallata rurana capangui?

Shuj fechata churapangui. Departamento de Salud y Servicios Humanos de Estados Unidosca caita rurachunmi recomendan: fumanata saquingapaj decidishca punlla jipa, más o menos cati ishcai semanacunapi ima fechapi pactachinatami agllana can. Y chai fechata yaipi charishpaca pactachingami. Chai fechataca shuj calendariopipash anotashpami charina can. Shinallata imata decidishcatapash amigocunaman villashpa pactachingapapachami esforzarina can.

Shuj tarjetata rurapangui. Cai tarjetapica cai cati yuyaicunata y quiquinda imacunalla ayudai ushashcatapashmi anotaita ushapangui.

● Fumanata imamanda saquingapaj munashcata

● Fumana munai cutin ricurijpi quiquinda ayudachun shuj amigopa número de telefonota anotapangui

● Chaita pactachichun ayudaj yuyaicunata (por ejemplo Gálatas 5:​22, 23 o Bibliapa shuj textocunatapash)

Cai tarjetagutaca maiman rijushpapash siempremi apana capangui. Shinallata chaipi anotashca yuyaicunatapash repasanami capangui. Y fumana viciota ña saqui ushashca cashpapash huaquinbica chai munaicunaca cutinmi shamunga. Shina pasajpica chai tarjetagupi imata escribishcata cutin liipangui.

Imapash nara pasajpillata imata ruranata pensaripai Anotashca fecha nara chayajpillatami cambiocunataca rurai callarina capangui. Por ejemplo, jatarishcandi tabacota fumana costumbreta charishpa, shinallata nara micushpa o micushca jipa tabacota fumana costumbreta charishca cashpaca, chai costumbrecunataca saquitapachami saquina capangui. Ashtahuanbash tabacota fumadorcunamandaca caruyanami capangui. Pipash tabacota carajujpi imata ninata pensaripai. “Chaigutalla, ñucaca ñana fumanichu” nishpa repasaita ushapangui. Caicunata ruranami tabacota siqui ushachun ayudanga.

Caitapash yaripangui. Quiquin agllashca fecha chayamujujpica, ama fumana tentacionbi urmangapajmi jamzillaguta picashca zanahoriata, chicleta chupanata o frutos secosta micunatapashmi saquina capangui. Shinallata quiquin churashca fechataca familiaman y amigocunamanbash villapangui. Shinami paicunapash ayudai ushapanga. Quiquin agllashca fechapa shuj punlla faltajujpillatami huasipi, carropi, bolsillocunapi o talvez trabajopi cashpapash tucuilla tabacocunata shitana cangui. Hasta ceniserocunata y fosforocunatapashmi shitana capangui. Shinami fumana tentacionbica ñana urmapangui. Tabacota randishpa mashna culquita gashtajushcata cuenta japishpaca, randingapapash munaitallatami ñana munapangui. ¿Imata ashtahuan rurana capangui? Jehová Diospa ayudatami mañajunalla capangui. Shinallata fumanapi ama cutin urmangapami ayudahuai nishpa orana capangui (Lucas 11:13).

Ashtaca gentecuna tabacota shuj ali amigotashna ricushpapash, tabacotaca saquitapachami saquishca. Y quiquinbashmi fumana viciotaca saqui ushapangui. Chaita saquijpica quiquinllatami ali sintiripangui. Shinallata quiquinba saludpashmi mejorashpa catinga.

[Foto]

Chai tarjetagupi imata anotashcata cada punlla yaringapaj siempre aparia puripangui